On 2/3/07, Giovanni Nappi <[log in to unmask]> wrote:
>
> PS Un curiositate supra tu nomine... Es que illo es un diminutive pro "Antonio"
> o un nomine independente? Pote esser que illo es le analogo del italian
> "Antonello" derivate, comocunque, de "Antonio"...
>

Il es curiose le analogia con le nomine italian "Antonello". Io non
sapeva de isto. Lo que io sapeva es del nomine "Antonella", de un
femina que deveniva famose al participar del programa Big Brother
brasilian.

Si tu trova dificile parlar mi nomine, tu pote apelar me per mi
pseudonimo international: Tony. Si le lingua que io usa ora es
international, qui sape mi nomine tamben debe esser lo. :D

Mi nomine esseva create per mi matre e mi patre per medio del junction
del nomines de mi granpatre materne (Antônio) e mi granpatre paterne
(Elias). "Antônio" esseva taliate a "Antoni" e "Elias" esseva taliate
a "Eli". Tunc nos ha "Antoni" + "Eli". Intertanto, mi patre e mi matre
pensava esser esteticamente bele le duplication de literas e
reimplaciamento de "i" per "y" (como in le ortografia classic de
Interlingua :D ), tunc ilos converteva "Eli" a "Elly". Le suma:
"Antoni" + "Elly" = "Antonielly".

Metodo de creation de nomines diferente, non? Ja que mi nomine obedi
le ortografia classic de Interlingua, qui sape nos potera extender le
idea e adoptar le metodo de mi parentes como un metodo objective pro
crear nomines de infantes? :D Hahahaha!!!

Un joco: Qui esserea tu nomine si tu parentes sequeva le metodo
objective de mi parentes (de unir le nomines del granpatre materne e
del granpatre paterne)?

Nominalmente,

Antonielly Garcia Rodrigues

--
Archivos e disabonar: http://listserv.icors.org/archives/INTERLNG.html