Subject: | |
From: | |
Reply To: | |
Date: | Sun, 30 Aug 2020 18:12:28 -0400 |
Content-Type: | text/plain |
Parts/Attachments: |
|
|
Car amicos,
Io ha duo cosas que io vole tractar con vos.
1. Habente recentemente apprendite Interlingua, io vole me abonar a
Panorama, sed infelicemente il pare que il non es possibile pagar per
alcun altere medio que un transferimento bancari. Forsan le redaction
de Panorama ignora que costo afferente a un transferimento a Europa es
multo alte, assi que il non es appropriate pagar per iste modo ab
extra Europa.
2. Io ha remarcate que il non ha un grandissime quantitate de textos
in Interlingua que son facilemente accessibile, excepte le e-libros
publicate in le sito de UMI (del quales le majoritate non es "libros"
sed librettos de solmente qualque paginas. Legente le libro de Ingvar
Stenstrom re le historia de Interlingua durante le passate 50 annos,
io apprendeva que il habeva plure revistas, como per exemplo le
Currero, le Heraldo e le Revista de Ric Berger. Il ha anque plure
numeros ancian de Panorama. Esque il ha alcuno inter vos qui
conservava iste ancian revistas e qui volerea scannar illos o inviar
illos a me (o alcuno altere) pro los scannar, a fin de poner le files
in un archivo public, e assi fornir un plus grande quantitate de
lectura a illes qui vole maestrar le lingua?
Amicalmente vostre,
Daniel Arseneault (ex Quebec, Canada)
--
Pro leger le archivos e pro modificar o cancellar le subscription:
http://listserv.icors.org/archives/interlng.html
|
|
|