d[080131] x[Kiviaho Allan] z[KivA-H1Uhc]
s["Io vole audir nomines". Budapest 1956. Marta Sebestyen. Tali-Ihantala
1944]

In le recente numero de "Panorama", 2007:6, io videva le
sequente monstrose adresse de interrete
http://video.google.com/videoplay?docid=5758144795408698676&q=nomines&total=2035&start=0&num=10&so=0&type=search&plindex=1
"Io vole audir nomines. Pro memorar le heroes de '56",
presentate Peter Kovacs.

Incredibilemente iste adresse functionava e io videva e
audiva iste canto magnific con subtextos in
interlingua. Io pensa que iste video ha essite
mentionate jam previemente in nostre foros, sed
solmente nunc io lo videva.

In le video on poteva vider multe carros blindate
T34/85, capturate per resistentes hungare. In 2006 uno
de iste carros con le signos de combattentes del
libertate era apportate a Helsinki e presentate ante
le Centro de Cultura Hungare durante plure septimanas.

In le battalia de Tali-Ihantala in junio-julio 1944,
le plus grande battalia in le historia de Europa del
nord, centos de T34/85s sovietic era destruite. Heri
mi sposa e io attendeva le pelicula "Tali-Ihantala",
que era facte pro jubilar le 90e anniversario del
independentia de Finlandia.

In le video se presentar alicun vices Janos Kadar, le
nove capo de Hungaria post le insurrection. Tosto post
le rebellion mi amicos e collegas in nostre club de
chacos, seniores Ilkka Kanko e Erkki Aaltio,
participava in Budapest al campionate mundial in
chacos de equipas academic. Janos Kadar habeva
previemente essite le presidente del Association
Academic de Chacos Hungare e ille attendeva le torneo
como spectator alicun vices. Interessantemente post
alicun septimanas seniores Kanko e Aaltio va viagiar a
Dresden pro participar in un torneo de chacos de
seniores.

---------------
Marta Sebestyen
---------------

In addition al "Io vole audir nomines" io audiva un
numero de exemplos de ric musica folklore hungare. Le
plus famose de cantatores folkloristas hungare es
Marta Sebestyen, qui nos videva in le Universitate de
Zürich (Suissa) in 1985. Illa habeva essite electe
como la "cantatrice del anno" e illa cantava in Zürich
in le ensemble "Muzsikas".

In 1987 nos era felice a audir Marta Sebestyen de
novo, iste vice in Budapest in le opera de rock "Szent
István király" (le rege Stephan le Sancte, le prime
rege christian de Hungaria).

Salutante

Allan Kiviaho

--
Archivos e disabonar: http://listserv.icors.org/archives/INTERLNG.html