Erik Enfors scribeva:
> (...) secundo novas de TV hodie, que un certe location de camera
> e jentaculo, tamben in Svedia le plus sovente appellate Bed & 
> Breakfast (B&B), non es permittite placiar un tal indicator al via. 
> (...)
> On ha decidite que le texto debe esser in svedese, "Rum och frukost"
> (...)
> Regrettabilemente le parola jentaculo non es comprendibile a prime 
> vista, alteremente io haberea  proponite que omne placas in Europa 
> deberea haber le texto Camera & jentaculo. Forsan "Camera & 
> nutrimento" esserea un possibilitate europee :-).

Io non sape le situation in altere paises lusophone, mais le termino 
portugese pro "jentaculo", "desjejum" ("disjejunation"), non es multo 
popular. Proque nostre jentaculo sole includer caffe con lacte e pan con 
butyro, illo es popularmente appellate "café da manhã" ("caffe del 
matino").

"Dormir & Disjejunar"?
"Dormitorio & Refectorio"?
"Camera & Caffe"?
"Lecto & Lacte"?
"Albergo & Alimento"?
"Allogiamento & Alimento"?
"Reposo & Repasto"? :-)

> Que es le situation in tu pais? Ha vos multe placas con Bed & 
> Breakfast que nunc debe esser cambiate, excepte in Grande Britania 
> io suppone :-).

Io, al minus, non me rememora de haber jammais vidite iste expression "Bed 
& Breakfast" usque al die de hodie. Mais Brasil es multo grande, e forsan 
iste expression es cognite in grande centros urban (plus cosmopolita) como 
São Paulo o Rio de Janeiro.

Ensjo.

--
Archivos e disabonar: http://listserv.icors.org/archives/INTERLNG.html