Car amicos,
Le cantatrice svedese Birgit Nilsson ha morite.  Su voce incredibiliemente
belle la dava un ben meritate fama mundial. 
 Illo nunc nos resta solmente in registrationes.
    Le connection inter Birgit Nilsson e Interlingua es tenue, ma illo existe.
In mi manual "Interlingua - instrumento moderne de communication
international", le lection 12 presenta un synopse de omne formas 
verbal, e Io lo faceva como un historietta de un cantatricee e su marito,
un historietta simple e sin pretensiones de originalitate.  Quando
io videva le illutstration monstrante le cantante in question,
il me frappava que illa troppo similava a Birgit Nilsson e io 
hastava adder´: "Iste cantactrice non es Birgit Nilsson. Illa non 
face le homines suffrer!"
Quando Birgit Nilsson ante alcun annos visitava le theatro de
Barberg, mi urbe, pro esser interviewate publicamente per un
recensente de musica, un ex-studente mie, io monstrava mi
manual a illa e la lo donava.   Illa primo demandava le question
obligatoria, con un poco de suspicion reservate in le voce:
"Es isto Esperanto?'   Io explicava que non e illa legeva le 
texto e concludeva: "On lo comprende sin difficultate!"  
Io diceva que illo es considerate un lingua multo cantabile. 
"Si, illo es multo simile a italiano!"  Regrettabileomente io nunquam
realisava mi idea de inviar a illa un canto in Interlingua pro
eventualmente audir su opinion de iste "cabtabilitate" post
que illa lo haberea probate.     
Nunc toto es troppo tarde.
Il es estranie que on pote sentir in sorta de lucto al morte
de un persona qui tamen es tanto distante de su proprie
persona e in despecto de tote altere afflictiones actual
del vita personal,
Birgit Nilsson esseva un personalitate forte  - e multo humoristic! - . 
qui habeva luctate pro su carriera a transverso obstabulos incredibile:
su patre non voleva lassar la studiar, e quando un organista
de un parochia vicin la discoperiva illa incontrava al academia
del opera incredibile disdigno e resistentia a causa de su
origine de un familia de fermeros.  Le prime maestro in
Stokholmö qio debeva inseniar la, comenciava per declarar:
"Fermeros non debe esser cantantes de opera!"
Gratias a Deo, illa esseva forte e resiliente e le disprovava in le maniera
le plus convincente.    Illa deveniva le regina del scenas
de opera in tote le mundo.
Salutes amical,
Ingvar
Esperanto"
Ingvar Stenström
Vegagatan 12
SE-432 36  VARBERG
Svedia
ingvar.stenstrm  at telia.com
Tel. +46-(0)340.15053
http://www.interlingua.com
http://www.interlingua.nu '
)

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================