Car amicos (de interlingua)

On non mesmo pote imaginar, quante manieras differente ha le divulgation de
interlingua. Ora io visita un club de disoccupatos (pro formular
positivemente: “de active cercantes de labor”), quatro dies per septimana in
le antemeridies, ubi on applica un programma de tres septimanas (isto es le
ultime septimana) elaborate per daneses. Un innovation de iste programma es
facer “cartas de presentar se”, que es simile a un carta de visita, ma ubi
on lista tamben altere characteristicas e informationes personal in
connexion de esser empleate e informationes super le empleo, labor que on
cerca. De facto illo es un forma abbreviate de un curriculo de vita in
connexion de cercar empleo. E a iste “carta de presentation” il es
obligatori facer apparer le linguas parlate, assi il es natural, que sur
tote iste cartas de me appare le nomine interlingua inter le linguas que io
cognosce. E tamben si tu face un carta de visita, tu pote adder, que tu es
un “representante [o parlator] de interlingua in [tu pais]”. E io, como
cercante pro empleo naturalmente tamben sempre include in le curriculos de
vita que io invia al empleos interlingua inter le linguas cognoscite. Assi
multe firmas, companias, empleos es informate in alicun grado super
interlingua (al minus super le nomine, que pote eveliar lor interesse).
Naturalmente a un interview de empleos il es secundari parlar super linguas,
ma qui sape? - forsan aliquando alicuno habera le interesse super iste
nomine “interlingua” e va demandar super illo del cercante de labor. Ma mi
experientia usque ora es, que le gentes a vices reage a esperanto, quando
illes lege in mi curriculo de vita, que io lo parla, ma non jammais reage
super interlingua. In Hungaria multes ja ha audite super esperanto, sape in
alicun grado, que illo es, ma illes non del toto ha audite super interlingua
e pro isto illes non reage al parola “interlingua” (e non osa demandar, que
isto es? O illes es disinteressate?). Ma io crede, on debe avantiar se de
passo al passo, mesmo in cosas si parve, que facer apparer le nomine
interlingua in cartas de visita e "cartas de presentation" e curriculos de vita.

Io spera, io va vider e revider multes de vos in le incontro nordic in
Linköping!

Péter Kovács

--
Archivos e disabonar: http://listserv.icors.org/archives/INTERLNG.html