Car amicos,


Io traduceva un texto re le Bahais unitari e poneva lo in le Wikipedia in
interlingua. Io informava le Bahais unitari re iste traduction in

http://groups.yahoo.com/group/unitarian-bahai/<http://www.google.com/url?sa=D&q=http://groups.yahoo.com/group/unitarian-bahai/&usg=AFQjCNFyy18nmdriE9pP0oViNwA8qLcWaA>

Bahaismo unitari es un interpretation del religion Bahai religion
characterisate per focuso super libertate individual de conscientia vice le
autoritate de dirigentes e institutiones Bahai, non ligite con le
denomination del Fide Baha'i basate in Haifa. Historicamente, illo existeva
depost le morte de propheta Bahai Bahá’u'lláh in 1892, quando schismo
occurreva inter duo de su duo filios, usque adminime 1937, quando le secunde
filio Mírzá Muhammad `Ali moriva. Hodie, Bahaismo unitari es revivificate
per le Association Bahai Unitari, un organisation statounitese sin scopo
lucrative fundate in marto 2010.

Bahais unitari considera le Báb e Bahá'u'lláh como inspirate instructores
spiritual. Illi considera `Abdu’l-Bahá e Mirza Muhammad Ali como le
successores de Bahá’u'lláh. Illi considera le statuso de Shoghi Effendi como
Guardiano del Fide Baha'i a esser de questionablie legitimitate, e illi non
regarda le Domo universal de justitia sidite in Haifa, Israel, como un
autoritate que debe esser sequite.

Historical Bahais unitari

Le prime Bahai unitari era Mírzá Muhammad `Alí, etiam cognite como
Ghusn-i-Akbar (“le plus grande Branca”), le secunde filio de Bahá’u'lláh. Le
testamento de Bahá’u'lláh nominava `Abdu’l-Bahá, le plus evate filio, como
su successor, e affirmava que le statuso o position de Ghusn-i-Akbar era
post celle de `Abdu’l-Bahá. Nulle altere infantes de Bahá’u'lláh era
mentionate in le testamento. `Abdu’l-Bahá e Mírzá Muhammad Alí non
concordava re quante autoritate le testamento de Bahá’u'lláh conferava super
`Abdu’l-Bahá, e lor disputa deveniva personal e turnava a in un bello
familial, lequal era describite de varie punctos de vistas includente los de
`Abdu’l-Bahá in su propie testamento, Mírzá Muhammad Alí in un magazino
Bahai unitarie, Shoghi Effendi (granfilio e successor de `Abdu’l-Bahá) in su
libro God Passes By, e William McElwee Miller, un ministro christian qui
scribeva un libro critic del Fide Baha'i.

Le major parte del familia de Bahá’u'lláh supportava le latere de
Ghusn-i-Akbar, includente le duo supervivente uxores de Baha’u'llah, Fatima
e Gawhar, e omne de su infantes. Tamen, le filia de Bahá’u'lláh Bahiyyih
Khánum, de su prime morite uxor Ásíyih Khánum, e le vaste mojoritate de
Baha'is supportava le latere de `Abdu’l-Bahá del disputa. Le subtenantes de
Mírzá Muhammad `Alí se nominama “Unitarianos” nam illi emphasava le concepto
islamic de tawhid, le Unitate de Deo e absolute prohibition de junger
partenarios con Deo (cognoscite como unitarianismo inter christianos). Illi
era excommunicate e declarate ruptores del Alliantia per `Abdu’l-Bahá pro
lor refuso obeder le e acceptar su comprehension del religion.

Ibrahim George Kheiralla, Syrian Christian converto al Fide Bahá’í, emigrava
al Statos unite de America e fundava le prime communitate statounitese
Baha'i. Initialmente ille era loyal a ‘Abdu’l-Bahá, sed ille opinava que
`Abdu’l-Bahá era le retorno de Christo, e quando `Abdu’l-Bahá apprendeva que
isto deveniva le vaste comprehension del Bahá’ís in America he effortiava
corriger le error, secundo le autor baha'i Peter Smith. Plus tarde,
Kheiralla cambiava de latere in le conflicto inter le filios de Bahá’u'lláh
e supportava Mírzá Muhammad Alí. Ille formava le Societate de Behaistas, un
denomination religiose promovente Bahaismo unitari in le Statos unite de
America, que era dirigite post su morte per Shuaullah Behai, filio de Mírzá
Muhammad `Ali.

Shuaullah Behai, the plus evate granfilio de Bahá’u'lláh, emigrava al Statos
unite de America in junio 1904 al requesta de su patre, Mírzá Muhammad `Alí.
Ille publicava un magazino Bahai unitari titulate Behai Quarterly dum tres
annos, de 1934 usque 1937, in the lingua anglese, lequal exposava le
scripturas de Ghusn-i-Akbar e varie altere Bahais unitarian Bahais,
includente se ipse, Kheiralla, Mírzá Majdeddin (nepote e filio affin de
Bahá’u'lláh), e plure altere statouniteses. Le Bahaismo unitari de iste
periodo sembla esser disparite post le morte de Ghusn-i-Akbar, tamen illo
continuava exister adminime inter le descendentes de de Bahá’u'lláh tra le
uxores posterior.

Moderne Bahais unitari

Nigar Bahai Amsalem, le grangranfilia de Bahá’u'lláh and granfilia de ambe
Mírzá Muhammad Alí (Ghusn-i-Akbar) e le plus juvene filio de Bahá’u'lláh
Badiullah, subtene Bahaismo unitari e era interviewate dum 2006 in le
documentari israeli Baha’is In My Backyard. Illa construeva un sanctuario al
tumba de su granpatre, Mírzá Muhammad Ali, e oppone le denomination basate
in Haifa.

Le Bahais unitari hodie cerca a revivificar le schola de pensata de
Ghusn-i-Akbar, dum etiam recognoscente le contributiones positive de
`Abdu’l-Bahá al religion Bahai. Moderne Bahaismo unitari es un comprehension
que emphasa le unitate e transcendentia de Deo, le humanitate e limitationes
de omne dirigentes religiose includente le prophetas, le importantia de
inclusion e tolerantia inter fideles de Bahá'u'lláh e homines de omne
credentias, e le responsabilitate del bahais engagiar in politica e causas
social.

Moderne Bahaismo unitari ha un consideration tolerante e invitante verso
alicun typos de homines lequales son regardate con suspicion o rejicite per
le Fide Baha'i majoritari. Isto include lesbianas, gays, bisexuales e
transsexuales, allosexuales, in copulo e non-celibe, los que participa
activemente in politica, omne residentes de Israel, omne descendentes de
Bahá'u'lláh e credentes in paises musulman que cela lor religion e
exteriormente practica Islam.

Plure Bahais unitari hodie son membros o subtenantes del Association
universalista unitari e participa in su congregationes.

Ligamines externe

Association Bahai unitari
http://unitarianbahai.org/<http://www.google.com/url?sa=D&q=http://unitarianbahai.org/&usg=AFQjCNEGlhLKaa7nv9FYKb98dXNkvmjjlQ>

--
Archivos e disabonar: http://listserv.icors.org/archives/INTERLNG.html