Un par de estranie nove mundos que complica le frontieras inter
planetas e stellas ha essite discoperite ultra le Systema Solar.

Pauc dozenas de tal objectos ha essite identificate in annos recente
ma iste es le prime par de "geminos".

Si appellate "planemos", illos circula un al altere in vice de orbitar
un stella.

Lor existentia complica le theorias currente super le formation de
planetas e de stellas, le astronomos reporta in le journal 'Science'.

"Iste es un vermente intrigante par de geminos - cata un ha solmente
1% del massa de nostre sol," diceva Ray Jayawardhana del Universitate
de Toronto, co-author del articulo in 'Science'.

Su mer existentia es un surprissa, e su origine e termino es un pauco
de mysterio."

'Planeta Duplice'

Le par son membros de lo que alcun astronomos crede ser un nove classe
de objectos de grandor planetari in talia e que flota per le spatio;
si-nominate 'planetari-massa-objectos', o  "planemos", le quales non
son associate a qualque estella.

Nunc nos es curiose pro trovar si tal pares son commun o rar. Le
responsa poterea illuminar como se forma iste "planemos" que flota
libere. Dice le astronomo Valentin Ivanov.

Illos appare haber essite forgiate per un nebula de gas que se
contrahiva, in forma similar al stellas, ma que son troppo frigide pro
esser ver stellas.

E durante que illos ha un massa similar a illo de multe planetas
gigantic discoperite ultra nostre systema solar (le plus large ha 14
vices plus massa que illo de Jupiter e le altere es circa septe vices
plus massive), illos ancora non se considera esser ver planetas.

"Nos resiste le temptation de appellar los 'planeta duplice' proque
iste par probabilemente non se formava in le mesme maniera que le
planetas in nostre systema solar." diceva co-recercator Valentin
Ivanov del 'European Southern Observatory' (ESO) in Santiago, Chile.

'Fascinante Diversitate'

Le duo objectos ha colores e spectra similar, facente le suggestion
que illos esseva formate al mesme tempore circa un million de annos
retro.

Illos es separate per circa de sex vices le distantia inter nostre Sol
e Pluto, e pote esser
trovate in le region que forma stellas in Ophiuchus quasi 400 annos de
lumine a distantia. Illos son nominate officialmente Oph
162225-240515, o Oph 1622 que es plus curte)..

"Recente discoperimentos ha revelate un diversitate fantastic de
muntos in plus ultra." diceva Dr Jayawardhana. "Ma ancora, le par  Oph
1622 de distacca pro esser le plus intrigante si non peculiar."

Su collega, Dr Ivanov, diceva que illes es curiose pro saper si tal
pares son commun o rar.

"Le responsa illuminarea como es que un "planemo" flotante libere se
forma." Ille addeva.

Oph 1622 esseva discoperite usante lee "New-Technology-Telescope" del
ESO in La Silla, Chile. Altere studios esseva conducite con le
"Very-Large-Telescope" del ESO.

--

[log in to unmask]

--
Pro disabonar te: http://listserv.icors.org/archives/INTERLNG.html