Content-Transfer-Encoding: |
quoted-printable |
Sender: |
|
Subject: |
|
From: |
|
Date: |
Sat, 13 Jun 2009 17:53:02 +0200 |
Content-Type: |
text/plain; charset="iso-8859-2" |
MIME-Version: |
1.0 |
Reply-To: |
|
Parts/Attachments: |
|
|
Car ascoltatores / lectores
Le 10me (decime) podcast de Radio Interlingua (pro maio 2009 /duo milles novem/) - io pote dicer - es multo variate. Isto es a causa que multe voces participa in illo, gratias al contributores Sven Frank e Thomas Breinstrup, qui ha livrate materiales ultra los del redactor. E ultra su proprie voces illes ha livrate voces de duo alteres!
A saper: Sven Frank ha facite un interview con su proprie filio, Leo Casanova Frank, qui ha quasi duo annos e qui es multo probabilemente le prime interlinguista native e - on spera - essera tosto tamben le prime parlator native de interlingua.
Como vos ja poteva esser accostumate, in le rubrica "Litteratura in interlingua" io presenta registrationes del interviewatos del emission precedente, si un tal registration del litteratura sta a disposition. Iste vice il ha un tal, proque in le estate de 2005 (duo milles cinque) in Asa, Svedia, le conferentia international de interlingua io ha registrate per mi dictaphono (de cassetta) le narration "Chichibio e le grue", scribite per Giovanni Boccaccio, un del prime autores qui scribeva in le lingua italian. Le narration era traducite e alora legite per Alberto Mardegan. On pote sequer le texto in scripto parallelmente durante ascoltar lo, si on clicca a un de iste ligamines:
http://www.interlingua.com/conferentia/2005/chichibio
http://ia.wikibooks.org/wiki/Historiettas_e_contos_in_interlingua/Chichibio_e_le_grue
http://www.interlingua.nu/elibros/Chichibio.pdf
Finalmente le interview de Thomas es presentate, in le qual ille interviewa Martijn Dekker, le active interlinguista nederlandese, qui ha recentemente finite traducer le interfacie integre de Wikimedia, per le qual i. a. le famose encyclopedia interretiari Wikipedia pote "parlar" in interlingua! Illes parla tamben super le previe projecto de Martijn - le traduction del interfacie de recercator interretiari Google.
Le 10me emission de Radio Interlingua (pro maio 2009) se audi o discarga directemente de ci:
http://www.interlingua.com/node/620
ubi vostre commentarios scripte son tamben benvenite!
Io vos desira un bon passatempore con iste emission specialmente variate per multe voces!
Péter Kovács
redactor de RI
--
Archivos e disabonar: http://listserv.icors.org/archives/INTERLNG.html
|
|
|