Ben que io non ha vidite le caricatura de Muhammad con un turbina similar
a un bomba, io ha habite alcun pensatas super le reaction irate moslem a
illo. Illes crede que a depinger le propheta in un imagine es interdicite
in le Coran como un interdiction general contra le idolatria, concipite
como le adoration de imagines e statuas.

Mais in loco de ridiculizar le propheta Muhammad con un imagine idolatrose,
io pensa que le artista ridiculiza le militantes islamistas pro lor
idolatrose conception de Islam in que il es le natura de islam a
occider non-credentes e innocentes in le adoration de un theocratic
stato in le mundo que illes vole establir.  Le idolatria es le
adoration del finite, non solmente imagines. E iste theocratia super
iste terra es un idolo quando imponite super alteros per le bomba,
spada, bolletta e suicidio. Il es le islamistas qui ha facite Muhammad un
idolo con un bomba, non le daneses.

Alque es folle in un populo que non pote pensar abstractemente e vider
que lor militantes predica le idolatria moderne de occision, explosiones,
e morte pro un finite ordine theocratic super le terra.

Quando on pensa super le grandessa del universo, on non pote imaginar
que nostre venires e vaderes es de tante importantia que on debe
occider alteros pro establir un theocratia per fortia.

Stan Mulaik

--
Pro disabonar te: http://listserv.icors.org/archives/INTERLNG.html