Le juste ligamine es 

http://en.wikipedia.org/wiki/The_Passion_of_Christ

Inter le cosas mentionate in le articulo es le facto
que in le film Jesus parla con Pilatus in latino, lo
que es improbabile. (Pilatus commencia a parlar in
aramaico, ma Jesus cambia al latino.)Plus probabile,
dice le articulo, es que illes haberea conversate in
greco (koine). Ma il ha personas qui crede que Jesus,
como un ente divin, pote(va) parlar tote le linguas.. 
 

--- KOVACS Peter <[log in to unmask]> ha scribite:

>  
> Lars Rosenmeier ha scribite:
> 
> >>In relation al autehnticitate del film: [...] 
> "Le Dolorous Passion de nostre Domine Jesus
> Christo". Iste texto, scribite 
> per le monacha Anne Catherine Emmerich in le
> dece-octave seculo, describeva 
> le visiones illa habeva habite del passion de
> Christo, le qual (secundo 
> Wikipedia) "a vices portraitava le judeos como mesmo
> plus sanguinari e 
> maligne que le supprimente romanos [...]."<<
> 
> De facto le comportamento e del judeos e del romanos
> es equalmente criticabile, mal, negative,
> judicabile, etc. in ille occurrentia historic (illo
> de Jesus). Le judeos ha un totalmente altere deo,
> que le christianos (compara le vetule testamento con
> le nove) e illes non poteva tolerar iste differentia
> a Christo. Al altere latere inter le judeos se
> trovava al minus adherentes, discipulos de Jesus, ma
> le biblia non mentiona tales inter le romanos.
> 
> >>Le articulo del film in Wikipedia (in anglese) ha
> anque un section del 
> divergentias ab le Nove Testamento. (Vide 
>
http://en.wikipedia.org/wiki/The_Passion_of_the_Christ)<<
> Hm...un longe articulo; poterea alicuno traducer le
> toto in interlingua? :-) Il serea bon, e nos besonia
> articulos de qualitate in Wikipedia. E isto serea un
> bon reclamo pro interlingua, proque io ha remarcate,
> que in nostre dies le libros e films como Le passion
> de Christo e Codice de Da Vinci son themas de moda.
> Pro convenir al moda anque in le ultime Panorama
> (anno 19, nr. 3; maio-junio 2006) appareva
> regrettabilemente mesmo tres articulos, que servi
> (volente o non volente) le campania mundial de negar
> le divinitate de Jesus o del Biblia (originalmente
> canonisate) assi negar, facer ridicule e
> insignificante le base, le fundo del cultura
> europee, i. e. le christianismo. Como in le ultime
> Panorama, anque in altere medios in le quotidian
> vita non-interlinguista appare iste libros e films
> como thema in proportion troppo grande, exaggerate. 
> Le prime articulo in Panorama assere mesmo ja in su
> titulo, como facto, que "Judas non traiva Jesus"
> (dunque al contrario del Biblia originalmente
> canonisate). Illo presenta, que on ha trovate le
> "Evangelio de Judas" (mesmo si in fragmentos, non
> tote le obra) ubi Judas ipse assere, que ille non
> traiva Jesus, ille simplemente obediva lo que Jesus
> diceva (peteva? mesmo "ordinava"? Isto es in
> opposition con le imagine del character de Jesus que
> nos cognosce o crede, que es divin e  plen con amor,
> etc.). Io pote dicer a iste puncto, que naturalmente
> anque in le antiquitate il habeva scriptores que
> mentiva, politicos, "jornalistas" que non diceva le
> veritate, etc. e los que ha defendite lor proprie
> comportamentos, actiones, punctos de vista. Proque
> non es possibile, que lo que Judas mesme scribeva in
> su "evangelio" es un tal mentita? Anque in le
> antiquitate on poteva scriber lor mentitas; on non
> debe creder a un scriptura solmente proque illo se
> creava in le antiquitate. Naturalmente cata un
> defende su interesses, actiones. E isto era anque
> assi in le antiquitate, in le epocha de Jesus.
> Le secunde articulo de iste sorta in le ultime
> Panorama es illo del thema "Da Vinci", qual theoria
> assere, que de facto le 13tie discipulo (discipula)
> era Maria Magdalena, qui se vide sur le pictura "Le
> ultime cena"; mesmo illa non era solmente un
> discipula, ma etiam le sposa de Jesus (plus illes
> habeva infantes, etc.). Anque iste theoria servi le
> campania de facer Jesus le divin a Jesus le human. E
> iste campania es le interesse del non-christianos...
> 
> Le tertie articulo anque attacca le divinitate de
> Jesus, explicante un miraculo de Jesus
> scientificamente (lo que Christo vadeva sur le
> superficie del laco es possibile secundo le articulo
> solmente assi, que le laco era gelate.)
> Dunque surprendentemente pote on constatar, que in
> un exemplar del Panorama appare mesmo tres articulos
> conveniente al tendentia, campania mundial de negar
> le divinitate de Christo (le jornal presenta le
> assertiones como factos e non como suppositiones o
> opiniones), que es al mesme tempore eradicar le
> base, le fundo del christianitate. E le
> christianitate es le base del cultura europee, que
> es presentate e representate anque per Panorama, in
> un belle lingua paneuropee (interlingua). Dunque
> iste fortias ora in le mundo, que sta detra iste
> libros e films "de successo" ha le intention de
> eradicar le base del cultura europee... Forsan le
> Panorama vole facer le mesme o illo solmente conveni
> al novas currente de hodie in le mundo; illo
> solmente presenta iste affaires neutralmente? Esque
> totalmente neutralmente...? Es le proportion de tal
> themas con le mesme scopo e thematica non troppo
> grande, exaggerate in le Panorama actual? O illo es
> solmente tanto exaggerate, como illo appare in le
> mundo...?
> Péter Kovács
> 
> --
> Pro disabonar te:
> http://listserv.icors.org/archives/INTERLNG.html
> 


__________________________________________________
Do You Yahoo!?
Tired of spam?  Yahoo! Mail has the best spam protection around 
http://mail.yahoo.com 

--
Pro disabonar te: http://listserv.icors.org/archives/INTERLNG.html