Le belle costa roccose in le west de Svedia formara le panorama
exceptional, quando le Union Mundial pro Interlingua (UMI) invita membros
de tote le mundo al 17-me Conferentia International de Interlingua le
16-22 de julio 2005. Inscribe te e tu familia hodie.
Al sito del UMI a http://www.interlingua.com tu pote ora trovar le
formulario de inscription - e considera seriosemente apportar tu
sposo/sposa e tote le familia pro un septimana exceptional in bon compania
international. Reguarda le multe photos del loco que es justo al sud de
Göteborg, facilemente attingibile per avion, traino o (specialmente pro
daneses, norvegianos e finneses) per auto.
Le arrangiatores anque invita a usar le formulario de www.interlingua.com
pro inviar propositiones motivate a punctos pro le programma o pro
proponer themas pro discursos durante le septimana (non necessarimente DE
interlingua ma certo IN interlingua).
Con mi optime salutes
Thomas Breinstrup