Le  Ven, 21 Jul 2006 14:14:55 +0200, Kjell Rehnström <[log in to unmask]>
scribeva:

>Il es satis clar que Panorama non del toto se inordina in un campania
>contra le Christianismo.

Naturalmente, ma si io reguarda solmente le titulo, que es un assertion in
se, como facto "Judas non esseva un traitor de Jesus" (mesmo sur le
copertura se vide immediatemente le titulo abbreviate "Judas non traiva
Jesus"), io debe constatar, que isto non es un titulo neutral (ma un
assertion). Usque ora Panorama succedeva remaner neutral in questiones
religiose e politic, e io desira a illo, que illo remane un tal neutral
organo de interlingua (e interlinguanos) anque in le futuro, nostre BBC :-)
como illo era usque ora. In iste caso concrete illo haberea potite remaner
neutral p. ex. assi, que le scriptor pone un signo de interrogation al fin
del titulo: "Judas non traiva Jesus?", "Forsan Judas non era un traitor de
Jesus...?" etc. :-)

>Si io ben comprende, le sol interesse del
>redaction ha essite publicar un interessante nova, e si alcuno ha
>discoperate un Evangelio de Judas, isto es un interessante nova.

Si, ma si on reguarda le exaggerate proportion de articulos de tal sorta in
le ultime Panorama (mesmo tres articulos!), isto face uno a philosophar: o
Panorama non (plus) es neutral, o simplemente le mundo se ha cambiate tanto,
que novas con iste thematica debe apparer anque in Panorama, si illo vole
reflecter le mundo real, le novas currente in le mundo, etc.

>Il anque ha passages in le Biblia ubi on demonstra que Jesus age como un
>bon judeo: ille lege del scripturas in le synagoga, ille jam como infantes
>sede apud le piedes del doctes e apprende

>In le Actos il ha anque descriptiones de como Sancte Paolo cerca contactos
>con le Judeos pro informar les del existgentia e morte de Christo.
>Personalmente io dicerea que le Christianismo es un reformate Judaismo.

Si, iste forma del christianismo, super lo que io scribeva, que creava le
fundamentos del cultura europee, es vermente judeochristianismo. Ma existe
anque altere formas del christianismo, e judeismo, p. ex. le s.n.
manicheismo (manikeismo?), que es independente del judaismo.

>Pro mi proprie parte il es satis difficile creder al narrationes del
>Biblia, ma isto forsan es un altere message! :-)

Que tu crede al archeologic objectos trovate, que prova le assertiones del
Biblia!

Péter Kovács

--
Pro disabonar te: http://listserv.icors.org/archives/INTERLNG.html