Subject: | |
From: | |
Reply To: | |
Date: | Tue, 7 Feb 2006 11:34:34 +0100 |
Content-Type: | text/plain |
Parts/Attachments: |
|
|
Den 2006-02-06 00:41:56 skrev Stanley Mulaik <[log in to unmask]>:
> Ben que io non ha vidite le caricatura de Muhammad con un turbina similar
> a un bomba, io ha habite alcun pensatas super le reaction irate moslem a
> illo. Illes crede que a depinger le propheta in un imagine es interdicite
> in le Coran como un interdiction general contra le idolatria, concipite
> como le adoration de imagines e statuas.
>
Lo interessante es que tote le historia comenciava con multo bon
intentiones. Kåre Bluitgen es un scriptor de libros pro juvenes in
Danmark. Ille sembla scriber facile versiones de obras classic, pro
exemplo le Jeppe på Berget e Erasmus Montanus, duo pecias teatral del
famose scriptor danese Ludvig Hollberg.
Kåre Bluitgen habita Østerbro in Copenhaga (København) e ante toto pro le
infantes de immigrantes ille voleva scriber un libro in re Mohammad in
danese. Ille cercava illustratores al libro, ma le artistas, ben sconscie
del interdiction de picturar in Islam, refusava facer illustrationes al
libro. Como un acto de combatto pro le libertate del parola le redaction
del jornal Jyllandsposten (ort) decideva publicar designos caricatural lo
que era plen logic in un ambiente e discurso scandinavic ma naturalmente
haberea un altere effecto in le paises musulman.
Secundo le medios ci in Svedia alcun imams residente in Danmark viagiava
in lor paises de origine narrante del "blasfemias" de Jyllandsposten e un
ira era instigate in plure circulos. On postula que le prime ministro o
mesmo le regina de Danmark preca excusa, lo que es totalmente normal in un
pais ubi nihil pote occurrer sin le accepto del rege o le presidente, sed
le differentia es que ni le regina ni le premier de Danmark pote dicer a
un jornal lo que illes pote scriber o non!
Per consequente, de bon intentiones ha devenite un mal realitate!
Kjell R
--
Använder Operas banbrytande e-postklient: http://www.opera.com/mail/
--
Pro disabonar te: http://listserv.icors.org/archives/INTERLNG.html
|
|
|