Jan A°rmann ha scribite:

>>Claude IL_STRAT!

Nostre movimento non besonia lo. Nos ha create nove statutos pro UMI.<<

>>Le Consilio Executive de UMI pote crear su methodos democratic pro le labor e pro le contactos con le Consilieros General del associationes national.<<

>>Nos debe discuter si IL_STRAT ha alcun relavantia de toto.<<

Illo ha un relevantia. Nota ben, que pro exemplo io non es membro de UMI, dunque io non poterea esser informate alteremente super actiones strategic de alteres - si tal actiones existeva - ma non... 

Quando io deveniva membro de IL_STRAT, io sperava de poter leger reportos super actiones concrete de divulgar interlingua, o ideas discutite de como divulgar interlingua. Io imaginava, que le scopo, le thematica del lista es isto. Ma io non legeva tales, desde quando io es un membro. Un vice io inviava un tal reporto, ma illo remaneva sin reaction, sin responsa.

Malgrado isto io pensa, que le action unilateral de Jan A°rmann pro clauder interlingua es un pseudoproblema, justo proque illo ha nulle activitate - solmente le discussiones del requestas de personas pro devenir membros e alicun vices Allan Kiviaho invia su looonge letteras a illo, le quales ille equalmente invia a INTERLNG, dunque nihil es secrete. E si illo non ha ulle activitate, alora clauder lo anque non es necessari! Un pseudoproblema. (Le ver problema es le inactivitate mesme e altere cosas.)

>>Nostre membros e altere interessatos reguarda IL_STRAT como le "Club Secrete", lo que illo anque es.<<

Illo non es secrete in plus mesmo per lo que tamben Allan, tamben Janne citava - sin demandar permission de me - mi letteras inviate, intendite pro le lista strategic in lor letteras public inviate a hic in INTERLNG. E assi nihil pote remaner secrete. De facto in mi reportos strategic nihil es a secretar, io non critica iste actiones de Allan o Jan, io solmente constata isto neutralmente. E quanto io memora, quando io habeva un tal reporto, io lo inviava equalmente a hic in INTERLNG, dunque io mesme non voleva celar lo detra le grande publico.

>>Illo crea diffidentia e noce nostre cosa.<<

Illo crea nihil e noce nihil, viste que illo non monstra un activitate considerabile (pro isto clauder lo anque non es necessari), non es le instrumento del collaboration inter le membros. Solmente appare ibi le discussiones, esque le persona X pote devenir membro, o non. E a vices Allan scribe messages strategic, le quales ille invia tamben pro le lista INTERLNG.

>>In iste tempore nove gruppos labora pro le diffusion de interlingua de IALA. Illos crea lor proprie organisationes e platteformas in Internet e illos anque opera al sitos popular como Facebook, MySpace, Orkut e alteres.<<

Io es presente tamben in Orkut, e membro del gruppo interlingua ibi, ma io non remarcava, que ille gruppo haberea ulle activitates organisate apartemente pro divulgar interlingua, ulle discussiones super strategias. Alteremente como membro io reciperea messages re illo, nonne?

>>Un "club secrete" como IL_STRAT es un obstaculo pro le confidentia in nostre ambitiones e actiones.<<

Illo non es un obstaculo, ni un motor pro ambitiones e actiones nostre, proque illo es inactive. Per consequente, si illo non ha ulle effecto, alora clauder lo anque non es necessari.

>>Frank Pfaff, qui ha fundate IL_STRAT [...] non ha suggerite alcun altere que IL_STRAT[...]poterea usate pro tractar themas que non immediatemente deberea esser public. [...] <<

Si, e isto ha un ration: discuter strategias, passos strategic in un projecto concrete non necessarimente debe esser public (solmente le resultato). Le scopo es positive, ma le passos a iste scopo non debe esser public in tote le casos, justo a fin que nos pote applicar ille strategia tamben altere vices (e proque forsan alteres, qui non son inclinate a ager strategicamente pro divulgar interlingua, non se ennoia legente le detalios del passos strategic, in le quales illes non son interessate). Necuno vole, que p. ex. esperantistas usa le mesme strategia como nos, nonne? Jan poterea adder, que le UMI ha nove statutos e per illos on pote realisar iste actiones, ma io repete: p. ex. io e certo alteres non es membro(s) de UMI, de nulle su organisationes e assi IL_STRAT es (deberea esser) le sol instrumento o sphera de esser informate super strategias o pro discuter los, etc. Pro isto IL_STRAT ha un utilitate, un scopo; le ver problema es, que illo non contine messages e discussiones strategic.

Josu Lavin ha scribite:

>>Car amico Janne,

Gratias a tu explicationes io pote comprender, perque io non recipe responsa
a mi sollicitude de inscription in IL_SRAT.

Io poterea leger messages anterior ubi io ha essite, sin dubita, mentionate.<<

Car Josu!

Si tu legeva mi lineas anterior, tu pote ja recognoscer, que tu perde nihil, si tu non es membro de iste lista, que non compli su ver scopo original, ma viste isto illo es inactive. E tu actiones funge anque independentemente de IL_STRAT (que non monstra actiones e non contine reportos concrete super actiones individual pro interlingua e non contine discussiones super punctos strategic de actiones) e que nos spera, tamben con resultato (in acquirer nove interessatos, usatores del lingua). Ora tu es le plus active interlinguista, sin dubita in nostre "movimento" e in isto IL_STRAT ha nulle rolo, e non lo habera, proque tu es independente de illo. Lo que tu non recipe responsa pro tu petition es de facto lo que tu mesme scribe:

>>Io suppone que pro esser membro de IL_STRAT on debera facer un votation o simile inter le actual membros.<<

E iste votation pote durar un longe tempore, viste que le gerente technic del lista debe colliger tote le votos de tote le membros pro poter decider democraticamente. Evidentemente ille non vole decider sol. E usque ora non tote le membros ha exprimite su opinion super isto.

>>[...I]o pote comprender, perque io non recipe responsa
a mi sollicitude de inscription in IL_SRAT.

Io poterea leger messages anterior ubi io ha essite, sin dubita, mentionate.<<

Non isto es le ver causa, como explicate supra, ma io pote interprender tote lo que io ha scribite super te quando io exprimeva mi opinion super tu membrato. Io ha nihil a celar e pro provar que nihil es secrete, io pote copiar lo a hic a INTERLNG, si tu vole.

IL_STRATegicamente:

Petro Kovács



--
Archivos e disabonar: http://listserv.icors.org/archives/INTERLNG.html