Io debe indicar que post venerdi (4 dies post le arrivata
del hurrican) le governamento ha finalmente arrivate in
New Orleans in fortia. Mais centos, possibilemente milles
ha morite in le inundation de lor casas fin a alora.
Nos ora sape secundo un interview con le admiral
responsabile pro le effortios del marina de guerra in
le salvamento de supervivitores del hurrican, que ille
e su fortias esseva in loco ante le arrivate del hurrican,
mais illes non recipeva le ordines a ir a New Orleans
fin a plure dies post le passage del hurrican.  Illes
non poteva mover sin ordines del FEMA (Agentia Federal
del Gerentia del Emergentia), que non veniva fin a tarde.

Il esseva obvie de ascoltar le reporters de CNN e
le radiodiffusion, que le gerentes del FEMA e su
parente organization le Departimento del Securitate
del Patria, non sapeva lo que occurreva super le
terra in New Orleans. In un interview con le
secretario del Securitate del Patria le interviewer
demandate qual action esserea facite pro salvar circa
3.000 personas trappate in le Centro de Reuniones
qui esseva sin aqua o nutrimento depost duo dies.
Le secretario diceva que ille non sapeva super isto.
Post le interview le station ha reportate que le
bureau del secretario ha telephonate de novo pro
indicar que illes habeva justo apprendite de isto.
Le problema sembla que FEMA non habeva alcun
personal de recognoscentia al sitos de New Orleans
pro informar les que occurreva a la fin a tres
dies post le hurrican ha passate.  Un altere
question concerneva si o non le fortias federal
habeva le permission del governatrice del stato
de Louisiana pro intrar su stato (que a me
sembla incredibile).  Un question resolvite
solmente hodie esseva si o non le fortias del
guarda national (un fortia militar del stato)
poteva devenir mobilizate in le fortias federal
sub le controlo federal del departimento de defensa.
Le armea non es date le mission del policia in
le statos unite, durante que le guardas  national
ha iste mission in lor statos. Le governatrice
voleva retener su fortias pro adjutar le policia
de New Orleans durante que illes adjutava in le
effortio del salvamento.  Il sembla que le
confusion al capite del governamento esseva
bureaucratic. In le interim centos, possibilemente
milles, necate se in le mansardas de lor casas,
o sin aqua  potabile o nutrimento o de colpa de
calor.  Depost venerdi circa 10.000 ha essite
salvate per le helicopteros e barcas. Milles
remane, trappate  in le mansardas de lor casas.
Le fortias de salvamento debe va a cata casa
e rumpe un aperatura in le tecto pro determinar
si alcuno vive ancora in la.

Vive de mi sofa ante le television in Atlanta!


Stan Mulaik

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================