E-libros in interlingua

In vice de libros de papiro nos hodie ha un alternativo plus incostose appellate e-libros (e-books). Internet nunc offere multe tal libros e il pare que iste forma de publication habera bon futuro.

Le Societate Svedese pro Interlingua (SSI) ha decidite essayar colliger tal articulos e libros in interlingua in un bibliotheca facilemente accessibile pro omnes. Quicunque pote obtener e leger iste textos ma interim solmente alcun membros del consilio de SSI es admittite inserer nove libros e articulos in iste bibliotheca. 

Il ha plure formatos apte pro iste publication ma SSI ha seligite pdf pois que multe personas jam ha possibilitate leger tal files gratias al programma gratuite Adobe Reader, http://www.adobe.com/products/acrobat/readstep2.html  Del resto iste forma es usate per bibliothecas svedese, del quales multes pote livrar e-libros. Pro facilitatar le lectura le longor del lineas es accurtate un poco.

Al presente nostre parve bibliotheca. contine. "Lege interlingua e apprende su structura" per Harleigh Kyson Jr, "Formation de parolas in Interlingua" per Ingvar Stenström e alcun alteres. Nostre intention es colliger multe tal libros e quicunque pote inviar libros e articulos apte. 

Invia tu propositiones a:

Jan Årmann , [log in to unmask]

o Erik Enfors, [log in to unmask]  qui effectuara le inscription.

Naturalmente il es necessari obedir le regulas de copyright e omnes qui intende contribuer debe assecurar que il non existe tal restrictiones. Il non es necessari que le textos es in formato pdf pois que nos in SSI pote effectuar isto. 

 

Sia benvenite con tu textos interessante in interlingua! 

Proba leger un tal libro in http://www.interlingua.nu/ebooks/

 

JanÅrmann, presidente de Societate Svedese pro Interlingua

Erik Enfors, membro del consilio de SSI