Le noticia del anniversario del nascentia de Charles Darwin me face
rememorar que il face plure annos desde un collega mie in le Schola
de Psychologia a Georgia Tech ha celebrate le anniversario del
nascentia de Charles Darwin per invitar toto a un partita in le
honor de Darwin.  Mi collega, Terry Maple, es un professor del
psychologia comparative -- ille compara le comportamento de animales,
e su area de specialization es le simias grande, le gorillas, le
orang-utanes, le chimpanzes. De facto ille ha studiate le orang-utanes
in le junglas de Borneo.  De plus ille sembla esser un grande simia
ille mesme. Ille es grande, massive con multe capillo nigre--como
un gorilla.  A iste partitas Terry vestirea se in le vestimento de
un gorilla, con grande pedes de un gorilla facite del cauchu, e ille
moverea inter nos in le partita, semblante esser un gorilla real.
A vices ille ha vestite un altere collega in un vestimento como si
ille esseva Charles Darwin. Su partitas esseva multo divertente.

                              Alcun annos plus tarde ille ha devenite
le Director de Zoo Atlanta, e ha create un grande casa e campo aperite
pro plure familias de gorillas.  E ille ha un orang-utan o duo in
un aperite campo (con un barriera, naturalmente, proque le orang-utans
es multo habile in escappar). In le interim ille ha remanite  un
professor in mi Schola, e ha usate le jardin zoologic como su
laboratorio. Studentes veni a studiar sub ille e postea vade in le
mundo a devenir gerentes de jardines zoologic.

Con respecto al tractamento de immigrantes, le anglese e americanos
non essaya de fortiar immigrantes a assimilar se a lor societate.
Il non ha alcun leges que require que tu debe vestir se in un certe
maniera, o parlar le anglese.  Non le minus, in le secunde e tertie
generation le filios e filias de immigrantes es ben in le via a
devenir assimilate.  Io nota in leger un articulo  in le Economist
(de Grande Brittania) que il habeva un photographo de alcun feminas
musulman que esseva in le policia. Naturalmente illas voleva haber
lor charpas de capite. Que a facer?  Le policia ha permittite a illes
a designar un charpa que esseva consistente con lor uniformes, blau e
blanc. Il ha un banda super lor capites como le colores que tu vide
in un automobile del policia. Illes sembla a me esser religiosa, mais
in realitate illas esseva del policia.  Possibilemente lor vestimentos
va conducer le publica a tractar les con respecto de feminas e
religiosas. E le Sikhs pote portar lor charpas del capite in le armea
brittanic.

Lo que Loiez describe es le ghettoization, ubi le immigrantes o
personas de certe racias congregar pro habitar. In parte le personas
in iste locos senti se rejectate per le societate, a vices in manieras
exaggerate e paranoide. E le mesme cerca le mesme. Nos nota inter
le studentes a Georgia Tech a lunch que le negros, hispanicos, e asiaticos
ancora collectionar se in gruppos a tabulos separate, un forma de
autosegregation. Mais on ancora vide individuos de plure racias
insimul a alcun tabulas.  Il ha alcun assmilation equalmente, mais
lentemente.  Le asiaticos sembla plus confidente a junger le
caucasianos. Quando on ha un cultura que es multo distincte il es
difficile de assimilar se a un altere cultura.

Cordialmente,
Stan


Stan Mulaik