Mi amico de longe Kovács!
Io regratia vos pro vostre responsa re la pronunciation de GE e Gi in Interlingua. Io trovava hodie in le rete un importante documento continente le exceptiones al regulas de pronunciation:
http://ia.wikibooks.org/wiki/Pronunciation_de_Interlingua
Sed le problema resta non solvite in toto. In http://www.interlingua.com/e-libros io ha audite plure vices le prime ex le Dece-duo conversationes (Cambiar le data), ubi:
a) "Recentemente, io ha legite (io audi lejite) in un jornal un multo bon articulo..."
b) "On suggereva (io audi sughjereva) que le anno deberea comenciar in octobre e non in januario."
c) "... le anno academic comencia in autumno, e in octobre le gente (io audi jente) ha retornate del vacances e es preste a reprender le travalio."
d) "Le expertos de lege (io audi leje) poterea solver le problema."
Esque le practica non seque le theoria?
Carlos Alberto Santos
--
Archivos e disabonar: http://listserv.icors.org/archives/INTERLNG.html