Le cursa al cima
per Thomas L. Friedman
Op-ed columnista del New York Times
le 3 de junio 2005
Bangalore, India
Il esseva multo revelante viagiante me de Europa a India como le votatores
de Francia (e ora le nederlandeses) rejiceva le constitution del U.E. - in
un gigante rebuffo al Presidente Jacques Chirac, le integration europee,
le immigration, le adhesion de Turchia al U.E. e tote le fortias del
globalization que corrode le statos de assistentia social de Europa.
Il es interessante proque le votatores francese essaya preservar un
septimana de labor de 35 horas in un mundo ubi le ingenieros de India
es preste de laborar un die de 35 horas. Bon fortuna!
Le votatores in 'vetere Europa' --Francia, Germania, le Nederlandia,
e Italia--sembla dicer a lor gerentes: stoppar le mundo, nos vole
dismontar; durante que le votatores de India ha dicite a lor gerentes:
stoppar le mundo e construer pro nos un scalon; nos vole montar nos.
Io ha le sympathia pro le obreros de Europa. Un mundo de beneficios
que illes ha sapite pro 50 annos se disintegra, e lor governamentos non
sembla haber un strategia pro tractar lo.
Un ration que le votatores francese ha rejecte le constitution del U.E.
esseva timores non frenabile de "plumberos polonese." Le fama que
plumberos polonese immigrante incostose dominara le mestiero de
plumberos ha devenite un symbolo reanimante pro le fortias contra le
constitution del U.E.. Il face alcun pauc septimanas retro quando Franz
Müntefering, presidente del Partito Social-Democrate, ha comparate
firmas private de actiones--que compra commercios debile, diminue lor
grandor, alora los vende--a "un essame de locustas."
Le facto que un principal politico german ha recurrite a attaccar le
capitalismo pro ganiar votos monstra como explosive le proxime
decado poterea esser, quando alcun de iste vetere economias inflexibile
--que ha devenite accostumate a ferias de sex septimanas e le assecurantia
de disimpleamento que es quasi tanto bon como haber un empleo--deveni
plus intimemente integrate con le Europa Oriental, India e China in un
mundo plus platte.
Pro appreciar exactemente como explosive, veni a Bangalore, India, le
capitolio del exteriorization del labor, fabrication e servicios del mundo.
Le parve secreto immunde es que India ora prende le labor de Europa o
America non solmente a causa de basse paga o salario. Illo equalmente
lo face proque le indianos es preste de laborar plus energicamente e
pote facer qualcunque cosa de responder a tu telephono a designar tu
proxime aeroplano o automobile. Illes es in un cursa con nos al cima.
De facto, il ha un grande fame erumpente in toto de India hodie, un
fame incredibile. Mais illo non es pro le nutrimento. Illo es un fame
pro le opportunitate que ha essite confinate como le lava de un vulcano
sub quatro decados del socialismo, e ora illo erumpe con le juvene
generation de India.
"India es le civilization le plus vetere, le democratia le plus grande,
e le population le plus juvene - quasi 70 pro cento del population ha
minus que 35 annos e quasi 50 pro cento ha 25 e minus," diceva
Shekhar Gupta, redactor de "The Indian Express." In comparation a
India, Europa Occidental sembla como un institution de vita assistite
con infirmeras turchese.
Certo, un enorme portion de India ancora vive in quarteros basse
o villages, mais plus e plus del juvene cohorte cerca alque melior.
Un movimento popular ora se diffunde, demandante que le anglese
sia inseniate in le scholas del stato ubi 85 pro cento de infantes
es inseniate--comenciante in le prime anno, non le quarte anno.
"Lo que es nove es de unde iste movimento veni," diceva le commentator
indian Krishna Prasad. "Illo veni del fermeros e le Dalits, le nivellos
le plus basse del societate." Mesmo le povre ha visitate al citates
sufficentemente a saper que le anglese es ora le clave a un empleo
in le sector technologic, e illes vole que lor infantes ha aquelle
opportunitates.
Le stato indian de Bengal Occidental ha le plus vetere governamento
electe communista in le mundo hodie. Alcun firmas del technologia global
recentemente ha investigate le exteriorization a la, mais illes ha dicite
al communistas que illes non pote facer lo proque del possibilitate de
exoperos de obreros que poteva disrumper le processo commercial del
companias ubi illes es empleate. Necun problema! Le governamento
communista ha declarate que le labor del technologia informational es
un 'servicio essential', facente illegal pro aquelle obreros a exoperar.
Ha un bon die!
"Isto non es super le paga de toto - le integre cosa super le paga
differential va reducer se multo tosto," diceva Rajesh Rao, qui es
le chef del compania innovative de jocos, Dhruva. Illo es super
gente qui ha essite affamate vidente le abilitate de realizar lor
sonios." E Infosys e Wipro, le firmas technologic principal de India,
ha recipite plus que un million de solicitationes iste ultime anno pro
un pauco plus que 10.000 positiones aperite.
Si, isto es un mal tempore pro le Francia e amicos pro perder lor
appetito pro le labor energic - exactemente quando India, China
e Polonia rediscoperi le lore.
Traducite per
Stan Mulaik
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
