Desde traction a cavallo usque traction a vapor:

Le tramvias respondeva a un besonio public.
Le citates se expandeva a causa del
industrialisation e del accrescimento consequente
del population.  Le homines non plus poteva
commodemente ir a pede inter lor casa e lor
loco de labor.

On senti que idealmente le tempore de iste viage
non debe exceder circa 20 minutas.  Quando le
viage dura plus que 20 minutas, il ha un incentivo
pro introducer transporto melior.  Le tramway
a cavallo non era le vehiculo ideal pro solver
le problemas del transporto urban del epocha
victorian.

Le difficultate principal non era le lentor
del vehiculos.  Le major parte de lor usatores
considerava que un velocitate de 10 o 11 kilometros
per ora era adequate.

Le ver problema era le manco de fortia del
cavallos.  Illos montava le vias inclinate con
grande pena, illos se fatigava tanto rapidemente
que pro cata tram a duo cavallos era necessari
mantener un stabulo de 7 a 11 cavallos.  Le
vita efficace de cavallos tramviari durava solmente
quatro annos, e le costos de nutrir los e de
mantener servicios veterinari era alte.

In consequentia, le profitos de un tramvia equin
era exigue, e le interprenditores debeva considerar
le possibilitate de traction mechanic.

(Ex "Interlingua in interlingua",
<http://www.geocities.com/hkyson>, [Scientias])

---

From horsecars to steamcars:

Tramways responded to a public need.  Cities
were expanding because of industrialization
and their consequent population growth.  People
could no longer walk comfortably between their
homes and the places where they worked.

The length of time for such a trip is ideally
believed to be no more than about twenty minutes.
When the trip lasts more than twenty minutes,
there is an incentive to introduce improved
transport.  The horsecar was not the ideal vehicle
to solve the problems of urban transport during
the Victorian period.

The principal difficulty was not the slowness
of the vehicles.  Most of their users thought
that a speed of six or seven miles per hour
was great enough.

The real problem was that the horses were not
strong enough.  They drew cars up hills with
great difficulty.  They got tired so rapidly
that each car drawn by two horses demanded a
stable of from seven to eleven horses all
together.  The useful life of street-railway
horses was only four years, and the costs of
feeding them and maintaining veterinary services
for them were quite high.

As a result, profits for horsecar lines were
small, and their owners had to consider the
possibility of mechanical traction.

..............................

Como promover usar le Rete e su ressources
bibliographic public pro incoragiar le uso expandite
de interlingua:

Le dialogos e exercitios de mi curso de conversation
<http://conversationininterlingua.blogspot.com> es un
ressource bibliographic public como "Interlingua
in interlingua" <http://www.geocities.com/hkyson>
e le textos in interlingua de Wikipedia.

Imitante le philosophia de Wikipedia sur le uso
de ressources bibliographic public, vos pote rediger
iste textos como vos vole, forsan combinante los
con altere simile ressources, pro publication
ubicunque in le Rete.

Un maniera excellente de apprender interlingua
vermente ben es compilar vostre proprie anthologia ex
su ressources public, scriber vostre proprie
presentation del grammatica de interlingua, e publicar
vostre effortios in le Rete pro le uso de alteres.

---

Si vos es un studente del anglese, io spera que
le textos in interlingua e anglese que io presenta
in iste sito vos adjuvara in vostre studios.  Vos
anque pote adjuvar studentes de vostre lingua native
si vos presenta simile textos bilingue in iste sito.

Vos anque pote imprimer textos in un tertie lingua,
preparar un version de illos in interlingua, e
finalmente preparar un version de illos in vostre
lingua native.

Tal presentationes demonstra fortemente le avantages
de interlingua como lingua ponte e presentara
ressources multo utile pro studentes del prime lingua
de tal textos trilingue e de vostre lingua native.

__________________________________
Do you Yahoo!?
New Yahoo! Photos - easier uploading and sharing.
http://photos.yahoo.com/