Obituario pro Woodruff Werner "Woody" Bryne qui scribeva
le prime Dictionario Anglese-Interlingua al fin del 1950s.
http://www.heraldtribune.com/article/20071027/NEWS/710270354
OBITUARIO
"Maestro de multe linguages"
per MARK ZALOUDEK
[log in to unmask]
SARASOTA -- Woody Bryne sempre usava su experte habilitate con
linguas pro adjutar alteres, sia in le servicio de su pais, como laborante
como executivo petrolific, o usante iste amor pro linguas in projectos
voluntari pro su communitate.
Le ex-professor ab New College, qui moriva le 9 de octobre de
2007, al etate de 94 in su casa in Mexico central, parlava varie
linguas, includente le malayo, russo e chinese -- alcun del
quales ille se inseniava se mesme pro medio de registrationes
e programmas de radio in lingua estranier.
"Ille esseva un grande apprendente, e ille legeva dictionarios
pro gaudio," diceva su sposa, Siobhan "Joan" Bryne de
San Miguel de Allende, Mexico.
In addition a esser fluente in francese, espaniol, italiano,
portugese e germano e poter conversar in varie altere linguas,
ille apprendeva le linguas universal Esperanto e Interlingua
e scribeva le prime Dictionario Anglese-Interlingua in le
ultime annos del 1950s.
Ille nasceva in Atlanta in 1912, Woodruff Werner Bryne
disveloppava un amor pro linguas quando juvene. Ille
passava un anno in Europa con su matre depois que
su parentes se divorciava quando ille habeva 11 annos
de etate, e ille esseva influentiate per un professor de
lingua estranier in le lyceo depois retornar a Atlanta,
diceva su sposa.
Le Depression fortiava al academicamente benedicte
Bryne a poner su ambitiones universitari in halto.
Assi que ille comenciava laborar como annunciator
de radio in le Stato de Norte Carolina, USA.
Ante que le Statos Unite entrava in le Secunde Guerra
Mundial in 1941, Bryne laborava como traductor pro
le governamento e legeva le posta estranier que entrava
in le pais pro confirmar que non menaciarea le Statos
Unite, diceva su sposa. Illo duceva le a travaliar como
traductor pro le "Army Signal Corps" in le Pacifico sub
le commando de Gen. Douglas MacArthur.
Depois le guerra, ille vadeva a Venezuela a travaliar pro
le compania petrolific "Gulf Oil" in industrial e public relationes
pro un decennio.
Ille retornava a Atlanta in le medietate del annos 1950s
e se matriculava in le Universitate de "Georgia State" al
etate de 45 annos. Plus tarde ille recipeva un diploma de
Magistro in linguas romance del Universtate de Emory,
e inseniava linguas estranier al Collegio de Morris Brown,
Emory e "Centers for Disease Control", ubi ille inseniava
cursos immersive in espaniol, francese, portugese e altere
linguas pro medicos qui esseva assignate temporarimente
in America del Sud o Africa, diceva su sposa.
Ille e su familia se moveva a Sarasota in 1966 pro empleo
in "New College". Ille primarimente inseniava espaniol,
litteratura espaniol, e malayo, in le schola de artes liberal
pro novem annos ante que illo se jungeva al systema
universitari public del Stato de Florida.
Depois retirar se in 1975, ille serviva como voluntario per
plus de 20 annos como guida de tours al Jardines Botanic
de Selby, ubi su habilitate linguistic esseva multo appreciate
de occasionalmente.
Ille anque serviva como voluntario essente traductor in
le departimento de salute de Sarasota, adjutante familias
hispanic de migrante pro que illes recipeva servicios de salute.
Ille e su sposa vadeva a Mexico varie annos retro. In annos
recente ille suffreva con infirmitate cardiac.
In addition a su sposa per 58 annos, ille es supervivite per duo
filias, Catherine de Richmond, Virginia., e Joanna de San Miguel
de Allende, Mexico; duo filios, Richard de San Diego, California,
e Stephen de Fairfax, Calififornia; e quatro granfilios (neptos).
Arrangiamentos pro servicios memorial se prepara in Sarasota
e in Mexico.
Donationes in memoria pote esser facite a:
Jardines Botanic Marie Selby,
811 S. Palm Ave., Sarasota, FL 34236.
http://www.heraldtribune.com/article/20071027/NEWS/710270354
--
[log in to unmask]
--
Archivos e disabonar: http://listserv.icors.org/archives/INTERLNG.html
|
