>>Nos ha un regula aqui, que si le discussiones deveni troppo concentrate
super le derivation e etymologia de parolas in interlingua, nos prende
tal discussiones al lista [log in to unmask]  Isto
face possibile pro novicios a simplemente usar interlingua in un maniera
non specializate a interlng, sin periculose discussiones linguistic.
In le interim, nos a [log in to unmask] ha bon
discussiones etymologic, methodologic, e grammatic.

[...] Stanley Mulaik<<

>>Ora, io debe repeter que questiones como isto es propriemente discutite a
[log in to unmask]

Stan Mulaik<<

>>Io volerea adder que le Collaterallista es disponibile
pro iste typo de discussiones, de grammatica e
vocabulario. E on pote junger se a 
http://groups.yahoo.com/group/interlingua-coollist/

Con salutes amical,

Jay B.<<


--------------------------------------------------------------------------------

Si, ma io non es membro del Collaterallista. 


In le initio, quando io ha cercate super foros electronic de interlingua, como novicio; io ha decidite subscriber me plus tosto solmente a iste lista INTERLNG, proque io voleva leger e scriber super ulle themas IN interlingua e non SUPER interlingua, e io voleva anque facer un test; an iste lista es sufficientemente active in themas extra-interlingual. Si illo es active in istos, alora le activitate, le "movimento" de interlingua es adequate, proque secundo me le activitate de un "movimento" de un lingua auxiliar construite es mesurabile assi: quanto on pote parlar in le listas super altere themas IN le lingua (inclusive anque le propaganda, activitates a facer le lingua plus cognoscite, etc.) e non SUPER le lingua mesme (grammaticamente, etc.). Mi experientia es, si on troppo multe discute questiones linguistic (e nulle altere) super le lingua mesme in le listas electronic del concernente lingua, alora le lingua es morte (non ha organisation, non ha movimento; vide le novial), o/e non es usabile. Dunque si on pote discuter super qualcunque thema IN le lingua, alora ille lingua vive - isto es un importante puncto de vista de un novicio pro poter constatar lo, nonne?

Naturalmente ja anque in iste tempore io voleva apprender le lingua si justemente, como possibile, e proque io me interessa super questiones linguistic (como un homine diplomate - diplomato? - in linguistica applicate), io voleva sequer le discussiones anque in le lista "coollist". Ma illo me pareva troppo vivace, troppo active, con multissime litteras durante un mense o septimana, e io non voleva cargar mi cassa electronic per iste litteras. 

E io poteva e pote sequer le discussiones del coollist - non legente omne litteras, que es impossibile - ex le archivo del Yahoo.

Assi io lo pote facer anque nunc, e io esserea de accordo, si io hic, in INTERLNG ponerea un question linguistic concernente interlingua, vos lo responderea in le lista "collateral", que io pote leger in le archivo. Ma comprende, que io non pote poner mi questiones de tal sorta, si io non es membro de ille lista.

Io esserea membro del collaterallista con gaudio, si io poterea adjunger me a illo in un tal modo, que io pote inviar litteras a illo, ma non pote reciper litteras de illo. Esque isto es possibile a Yahoo? Al servitor maelstrom.stjohns.edu isto es possibile (isto es le servitor primari de iste lista), etiam io lo pratica assi.

Péter Kovács