Io es de accordo con Stan; lo que le latino es sempre plus popular (in
America e in Europa) es un enorme possibilitate, chance pro interlingua. (Ma
le mundo deberea cognoscer - i.e. saper le fama, le nomine de - interlingua,
como le latino es cognoscite - su fama, al minus le nomine, io intende - in
le mundo...)

Del resto le emissiones del radio finnese in latino existeva anque antea,
illo non essera (es) comenciate ora, como Don scribe. Io ha mesmo audite
alicun emission(es?) in le rete, ma illo me non interessava tanto, que io
sia un ascoltator regular de iste emissiones. E on parla in illo in un tal
characteristic pronunciation finnese, que forsan illo me espaventava del
ascoltamento plus... :-)

Io ha le film The Passion, ubi le diverse gruppos representate parla in lor
original linguas, assi le soldatos roman in latino, etc. e toto es
subtitulate in hungaro. E le latino del soldatos es pro me tanto familiar,
solmente in le pronunciation, como si illo serea un specie de interlingua.
Mesmo a vices io ha comprendite ex illo parolas, o quasi plen phrases. 

Ma io non ha reguardate le film del initio usque  al fin, io solmente ha
controlate... hm ... mi copia... E io non ha troppo un humor de reguardar
lo, proque - a causa de su authenticitate e fidelitate al original
occurentias historic illo es tanto realistic, que nulle positive cosa appare
in le film (isto es fidel al historia original de suffrer, dunque non le
fidelitate historic es mi problema). E on non ama vider exclusivemente cosas
negative in un film, nonne?

Péter Kovács

--
Pro disabonar te: http://listserv.icors.org/archives/INTERLNG.html