On Thu, 12 May 2005 11:55:38 -0500, Peter Kovacs (pron.: Kovaatch)
<[log in to unmask]> wrote:

>In
>omne casos il es decisive pro constatar, esque un canto concrete es
>popular, o artificial con tractos popular, ex qual ambiente
>cultural/social illo se creava. Secundo isto on debe dicer, que un canto
>pote esser popular (i.e. folkloristic) solmente quando homines o homine
>paisan lo creava e usa (canta e requira del musicantes a sonar lo) vivente
>in un milieu traditional paisan del villages.

[*require]

...e in iste contexto il es irrelevante, esque le "populo mesme" (i. e. le
gentes paisan con maniera traditional paisan de viver in le villages) usa
e ama iste canto "Az a szép..." (esque vos es curiose super le traduction
de iste canto? :) ) durante lor divertimentos; independente de isto iste
canto es artificial viste su origine (con alicun tractos intentionalmente
popular hungare). Multes (estranieros e mesmo inhabitantes) non pote
differentiar le cantos hungare de origine popular (folkloristic) del
cantos hungare artificial imitante le folklore.

Ma pro plus complicar le cosa io vos informa nunc, que in (sur? al?) le
campania le paisanos sovente anque habeva musicos tsigan pro diverter los
(isto es/seva/ un labor traditional de un sorta de tsiganos anque in le
campania; non solmente in Hungaria); ma le maniera de sonar instrumentos,
etc. es totalmente differente de illos in le urbes.

Nonobstante anque iste musica sonate per tsiganos in le villages non es
folklore traditional tsigan (viste que in le folklore original del
tsiganos il non habeva instrumentos, solmente utensiles e manieras de
cantar substituente instrumentos musical), ma folklore traditional hungare.

Péter Kovács

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================