2007/5/9, Jan Årmann <[log in to unmask]>:

> Io opina que le initiativa de Josu Lavin esseva laudabile. Nos besonia un
> foro moderne! Vamos nunc attender le reaction del gerentes. Io spera que
> Martijn Dekker pote enthusiasmar le gerentes a presentar un nove foro plus
> moderne.

Salute, Jan e altere membros del lista!

Le recente menses io non esseva tanto attente al discussiones in/re
linguas auxiliar in le rete o al mundo de iste linguas in general como
antea. Ora io "veni de novo" e trova alcun "typic deffensores" de
alcun linguas usante solmente alteres, un nove INTERLNG... On non pote
esser absente un tempore tanto longe. :-)

On usava le argumento, que un nove lista de posta (o foro o alcun
simile instrumento) es necessari pro le uso de Interlingua al rete
como on faceva e face per iste lista, proque iste lista non esserea
sufficientemente "moderne" pro non permitter plus quam texto plan
(solmente texto, sen imagines, documentos attachate o formatation del
texto). Isto non es un problema de "modernitate" del lista, ma del
maniera como su functionamento es configurate.

Io non cognosce le systema que iste lista de posta usa, ma on deberea
multo facilemente poter configurar lo con altere optiones pro
permitter altere functiones si on los vole haber hic. Probabilemente,
le configuration del lista es facite in iste maniera pro garantir le
securitate (quando a un lista on permitte le inviamento e reception de
messages HTML, non solmente texto sin formatation, alcun elementos non
secur pote intrar in le messages e il es possibile le diffussion de
virus informatic per le lista). Il me placerea, in iste lista e in
alteres ubi il non es possibile, poter usar alcun elementos de
differente typographia pro citar parolas de altere linguas, titulos de
libros... ma le configuration sin HTML es le pretio que alcun
moderatores de listas de posta electronic decide pagar pro evitar
problemas de securitate, alteres permitte HTML ma illes pete que le
membros tenta evitar inviar messages HTML forsan anque pro un plus
rapide e (pro alcun connectiones) un minus costose reception del
messages...

Si on vole usar elementos pro le quales HTML es besoniate,
probabilemente le moderatores pote facilemente configurar le optiones
hic e on non besonia crear altere listas. Quando on move un lista/foro
a un nove loco il es possibile perder membros qui non legeva le
messages ubi on lo explicava o membros qui non vole esser registrate
in multe listas/foros, e quando on lo face sin un commun accordo del
moderatores e membros del lista original, on risca haber altere
problemas. Esque il es vermente necessari crear un nove INTERLNG?

Rodrigo
(Correctiones linguistic public o private benvenite, io non usava
recentemente Interlingua e mesmo legeva multo pauc textos in le
lingua. Io non controlava le dictionario pro corriger.)
-- 
RodriWeb: http://www.rodriweb.com
Societas Latina Vallisoletana: http://www.vallisoletum.org
PHILIA: http://philia.xf.cz/www

--
Archivos e disabonar: http://listserv.icors.org/archives/INTERLNG.html