Car amicas/amicos, cognoscitas/cognoscitos, interessantes!

Nos, alicun chattatores de interlingua (Danielle Nicolucci "Jollino", Martijn Dekker "McDutchie", Alberto Mardegan e Péter Kovács) ha decidite cambiar le servitor del chat de interlingua. (Le servitor usque ora, Discussioni non plus es confidibile, etc.) Le cambio era technicamente realisate iste septimana per Alberto Mardegan. Nos lo ha controlate, illo functiona.
 
Le nove servitor es Freenode, que originalmente se creava pro supportar le (o pro le supportatores del) "programmas libere" (con codices libere, etc.) de computatores. Illo nos pare esser le melior election del altere servers possibile, un stabile servitor.

Le canal #interlingua a Freenode es sempre accessibile, ma nos ha decidite haber datos fixe pro assecurar, que si alicuno se adjunge al canal, illa/ille sempre pote incontrar altere "parlatores" (scribentes) de interlingua.

Iste datos (cata mercuridi e sabbato ab le hora 20 CET o 19 UTC) non era cambiate!

Solmente le server era cambiate, pro isto tales, qui sole adjunger se al chat de interlingua per un cliente de IRC (mIRC, Chatzilla, Icechat, etc.) debe connecter se al servitor Freenode (/server irc.freenode.org) e non plus al servitor Discussioni e

tales, qui sole usar le webchat (le chat attingite per navigator, como un pagina web), non plus debe usar le adresse http://www.discussioni.org/cgi/irc.cgi, ma le adresse http://www.interlingua.com/cgi-bin/irc.cgi, ma lo plus simple es, si illes vade al pagina http://www.interlingua.com/chat e applica le "methodo 2)", i.e.: scribe lor pseudonymos in le quadretto apparente e clicca le button "Entra in chat!" presso illo.


--------------------------------------------------------------------------------


De novo pro summarisar le detalios technic (legibile anque sur le pagina http://www.interlingua.com/chat):

1) pro usatores de alicun cliente (programma computatorial, como mIRC, Chatzilla, Icechat, etc.) de IRC (isto es le plus recommendate e plus stabile maniera):

- selige le server irc.freenode.net - del lista del programma, o per le ordine de irc:

/server irc.freenode.net

- selige le camera de interlingua, ( #interlingua) secundo le maniera determinate per le programma, o per le ordine de IRC: 

/join #interlingua

2) pro usatores del "webchat" (accesso per le navigator):

- vade al pagina http://www.interlingua.com/chat e scribe tu nomine in le campo 

"Nomine" e pressa le button "Entra in chat!".

A revider, como usualmente cata mercuridis (anque deman!) e sabbatos post le hora 20 CET (19h UTC) in le canal de chat "interlingua"!

Péter Kovács

--
Archivos e disabonar: http://listserv.icors.org/archives/INTERLNG.html