Hodie ego ascoltava in un programmation del radio national svedese sub
le nomine "Le lingua". Ibi on presentava le inventor (?) del
neonorvegiano. Le signo de interrogation essera rectificate durante le
lectura de iste message.
Ergo, Gode non era le prime. Le prime era Ivar Aasen (1813 - 1896), le
filio de un agricultor norvegian qui in su juventute era multo
interessate in le questiones de lingua, nam durante le union con Danmark
que durava circa 500 annos le danese habeva essite le lingua que on
scribeva, mesmo si on parlava varie dialectos norvegian e in le urbes le
lingua parlate certo era influentiate per le lingua scripte. I.e. on
scribeva danese con certe modificationes norvegese.
Le juvene Ivar Aasen era multo interessate in iste questiones e habeva a
se ipse un education, inter altere in linguistica. Aasen voleva nunc
haber un purmente norvegese lingua fundate in le lingua parlate
norvegese. Ille interrprendeva longe viages a cavallo e cochi per tote
le pais, notante como on parlava in varie dialectos. Iste informationes
ille generalisava in un lingua scripte, que on initialmente appellava
Lingua Rural (landsmål) e postea Neo-norvegese (Nynorsk). Le
neonorvegese es un sorta de interlingua de norvegia, ubi le dialectos es
le linguas fonte.
Nunc circa 15 % del population usa neonorvegese. Le altere usa Lingua
litterari (Lingua de libros, Bokmål). In le scholas on studia ambe le
linguas.
Secundo le programma le dialectos ha un plus alte status in nostre dies
e ie neonorvegese, ben que lingua minoritari, es conciderate haber multe
prestigio.
Le neonorvegese es ancora plus frequente in le localitates rural e in le
partes occidental de Norvegia durante que le lingua litterari es le
lingua del urbes. Expertos parla de un approximamento del duo linguas.
Le duo linguas es linguas scripte, on parla varie dialectos, assi que in
un parlante on non pote clarmente judicar si il es neonorvegese o
norvegese litterari, isto on vide solo in le scriptura o si un persona
lege qualcosa. Assi ego ha comprendite le differentia.
Ego qui comrpende norvegese ma non lo parla penssa que in certe
respectos le neonorvegese es plus simile a svedese, in altere respectos
illo es multo differente, durante que le lingua litterari in altere
casos es plus proxime al svedese, e ante toto al danese. In facto le
aerolineas SAS usava - al minus antea - le norvegese litterari como le
lingua proncipal nam svedeses e daneses lo comprendeva le maximo,
daneses pro le scriptura e svedeses pro le pronunciation que es plus
clar in nostre aures que le pronunciation danese.... (On pote dicer que
si on comprara svedese al espaniol, danese es nostre portugese).
In mi aures le neonorvegese sona multo poetic. Pro le personas qui ha
cognoscentia con linguas scandinave il pote esser interessante visitar
iste sito http://www.aasentunet.no/
Kjell R
======================================================
Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:
http://www.interlingua.com/
======================================================
|
