Le Jornal de Medicina de Nove Anglaterra trova necun appoio pro
le echinacea contra le coryza.

Echinacea, un pharmaco herbal largemente extollate pro su effectivitate
contra le symptomas de coryza, ha recipite un abrupte disapprobation
recentemente quando un studio major clinic trovava necun appoio pro
iste pretensiones. "Nos trova necun evidentia que illo vermente es
effective de toto pro le symptomas del coryza commun," diceva le
prime autor Dr. Ronald Turner del Universitate de Virginia Schola del
Medicina.  "Si aquello es le ration proque tu lo compra, alora tu
guasta tu moneta."  Le studio includeva 437 gentes. Alcunos esseva
date le echinacea durante cata die pro un septimana ante esser
infectate con le virus del coryza. Alteros ha recipite un placebo.
Illes qui recipeva le echinacea esseva equalmente probabile a
disveloppar le coryza como illes qui ha recipite le placebo. Alcun
voces critical del studio ha habite altere opiniones. Appoiatores
del uso de echinacea questionava le studio. "Isto es un bon contribution
al litteratura clinic, mais illo non es le studio definitive del
echinacea," diceva Mark Blumenthal, executive director del Consilio
American Botanical.  "Io solmente vole que le studio ha essite plus
grande con plus grande dosages."

Traducite per

Stan Mulaik

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================