Car omnes
Gratias a illes qui ha respondite. Il pare que io non es le sol persona qui
volerea ben haber plure debattos general.
Le objectiones, que Jairo/Jasef lista es multo relevante. Io anque dubita
que listas de e-mail dividite secundo themas poterea accumular bastante
membros.
Isto es proque io prefere le idea de haber un serie de foros al sito de UMI.
Assi gente poterea facilemente trovar e accessar omne le foros
simultaneemente.
On poterea divider le foros secundo themas de discussion, como un sorta de
’Usenet’ in formato mini. (Un foro de cultura (ubi on poterea discutar
libros, arte, musica, etc.), un foro pro scientia, un foro pro divertimento,
etc.)
On poterea anque haber altere foros con un scopo ’practic’. P.ex.: un foro
ubi on poterea dar suggestiones de activitates in UMI o le uniones national,
un foro ubi le novicios poterea esser adjutate per le expertes/intermediates
(il serea multo bon haber un tal), un foro con discussion in anglese e
altere linguas pro interessatos, qui non (ancora) parla interlingua. etc.
etc.
Quanto a discussiones politic/religiose, io interpreta le responsa de Stan
assi, que ille opina que tal themas es troppo sensitive/delicate pro
Interlng. Io es plus o minus de accordo – on pote facilemente sentir se
offendite legente tal debattos, e dunque il serea melio restringer los a
foros specificamente designate a illos.
In un reunion de interlingua in Copenhagen alcun menses retro, io mentionava
le idea a Thomas, e ille diceva que il serea technicamente facile installar
un serie de foros in le sito de UMI.
Alora... Esque io vos ha convincite, que isto es le optime solution, o debe
io facer plus propaganda? ;-)
Amicalmente
Lars
_________________________________________________________________
Download din yndlingsmusik på MSN Music: http://www.msn.dk/music det er
nemt og billigt
--
Pro disabonar te: http://listserv.icors.org/archives/INTERLNG.html
|