Gratias, Lars, pro su observation re iste lista! Io anque pensa que on
debe discutir cosas quotidian o actual que ha nihil que vider con le
lingua. Io crede que existe jam altere lista dedicate a iste typo de
debattos linguistic. In Panorma e in le website del UMI on incoragia le
practica de Interlingua per INTERLNG, ma como es il possibile quando nemo
responde a le themas scribite per alteres? Un mense retro io scribeva
alique re le polemica del protection portuari in le Statos Unite e io
peteva le opiniones del altere membros del lista. Io recipeva solmente un
responsa. Perque? Io non sape. An le thema non evelia interesse? An il non
ha multe membros active in le lista? O forsan, como Lars scribe ci, on ha
solmente interesse re questiones linguistic. In mi opinion, un foro ubi on
pote practicar Interlingua parlante de cosas concernente themas general
non linguistic representa un del melior methodos per omnes que vole usar
le lingua como instrumento de intercommunication comun. Un tal foro anque
adjuta legitimar e disseminar le lingua ante le publico general. Sin iste
foro, il existe solmente "Panorama" (multe gratias a Thomas e su
collaboratores!) e un collection tre limitate de libros per practicar (non
interactivemente) Interlingua. Non omnes pote participar in le chats
on-line organisate per Peter Kovacs (gratias Peter!). Per me, le problema
es le manco de responsas a themas presentate per alteres in iste foro.
Amicalmente,
Steve
Lars scribeva:
>>Como vos sape, le vaste majoritate del debattos ci concerne interlingua
o
altere linguas in alcun maniera, e ha soventemente un character practic.
(Como obtener ille libro, como facer propaganda pro interlingua, etc.)
Il esseva multo refrescante vider alcun burlas in le septimana passate -
gratias pro illos - ma le discutiones se cambiava rapidemente retro a
themas
linguistic.
Non serea il bon anque haber debattos concernte altere themas? (Il ha si
multe themas relevante, que rarmente es mentionate ci: como ibros, films,
arte, musica, amor, familia, amicos, sexualitate, humor, politica,
religion,
mangiar, etc. etc. etc. - in summa: le vita.)
Mi theoria es, que le absentia de tal debattos se reinfortia
automaticamente. Io vole dicer: Quando il ha nulle debattos non-linguistic
in un foro, nemo osa esser le prime que devia del norma e initia un tal
debatto. Forsan nos ha timor de esser considerate non-seriose o immatur,
si
nos scribe de cosas allegre o divertente in un foro, ubi le norma es
solmente scriber de themas seriose e practic?
Un solution possibile serea forsan haber un serie de phoros electronic in
le
sito de UMI, subdividite secundo themas (un foro politic, un foro de
films,
etc.). Forsan isto poteva motivar gente a scriber de tal themas?
O forsan nos debe haber un lista de e-mail, ubi themas linguistic es
totalmente prohibite?
O forsan io debe simplemente acceptar, que le sol thema que interlinguanos
typic desira discuter es - interlingua? :-)
Que pensa vos?
Amicalmente
Lars
http://falcatorrosa2.blogspot.com<<
_________________________________________________________________
Del dine store filer uden problemer med MSN Messenger:
http://messenger.msn.dk
--
Pro disabonar te: http://listserv.icors.org/archives/INTERLNG.html
--
Pro disabonar te: http://listserv.icors.org/archives/INTERLNG.html
|