Subject: | |
From: | |
Reply To: | |
Date: | Thu, 7 Jun 2007 01:20:12 +0200 |
Content-Type: | text/plain |
Parts/Attachments: |
|
|
Car amicos,
Supponente que il probabilemente es impossibile
unir le membros tanto individualistic de tote le Union
Mundial pro Interlingua circum un symbolo/logo commun,
SSI, Societate Svedese pro Interlingua/Svenska
Sällskapet för Interlingua ha lanceate su proprie symbolo pro SSI sol....
Sur fundo azur le parola "Interlingua" reposa como un ponte
sur le duo stellas/linguas de base: greco e latino e super
le parola cinque stellas symbolisante le cinque linguas fonte.
Vos pote vider lo in www.interlingua.nu como bandiera, ma
in altere contextos nos lo usa como un signo ronde.
(Le medietate del population del UE qui es skeptic verso
su governamento de Brussel trova su "consolation in le facto que
le symbolo usa solmente le medietate del bandiera del dicte
union... ;-)
Le sito de SSI nunc se presenta un poco modificate. Le
plus grande parte es nauralmente in svedese, ma illo contine
al minus duo textos in Interlingua que es utile a omnes:
"Formation de parolas" usate i.ä. in mi inseniamento
del vocabulario international gymnasio e
"Qui besonia Interlingua? e Qual sorta de i-a es
besoniate?" Vos pote tamben ascoltar un disco compacte
parlate per le vice-presidente de SSI, Bengt Enqvist, un
reclamo humoristic, que ha essite inviate a plure stationes
regional de radio. E le "Antiquariato" resta ibi, con alcun
libros interlinguistic. Iste collection se vendeva al beneficio
de juvene est-europeos pro possibilisar lor participation
in nostre conferentias international. Per illo le Fundo pro
Europa Oriental ganiava plus que 1100 euros.
Le section "Antiquariato" non es actualisate ancora.
Nos va finir le systema de auction, que exige troppo de
labor, de facto, nunc resta quasi solmente libros in e re
Mundial de Heimer, Neo, Novial ("lexike" de Jespersen),
Occidental e Esperanto. Illo essera actualisate si tosto
que io habera tempore.
Nos ha le intention de adder ligamines tamben al Curso de
conversation per Jan Årmann e al sito de photos de
Alf Karlsson.
Vos es benvenite visitar SSi in www.interlingua.nu !
Accepta mi salutation amical,
Ingvar
Ingvar Stenström
Vegagatan 12
SE-432 36 VARBERG
Svedia
ingvar.stenstrm at telia.com
Tel. +46-(0)340.15053
Signatura in Skype: ingvarst
http://www.interlingua.com
http://www.interlingua.nu
--
Archivos e disabonar: http://listserv.icors.org/archives/INTERLNG.html
|
|
|