Le Autobus:

Le successo commercial del tramvia electric non
era universal.  In le citates, le alte costos de
construction era facilemente compensate per le basse
costos de operation, per le grande profitos ganiate
per servicios intensive usate per un multitude de
passageros.

In Grande Britannia le electrification era
accompaniate
per un expansion rapide de municipalisation.  Le
grande profitos era utilisate pro subsidiar le
reduction del impostos local.  Ma in le parve urbes
e le retes semi-rural, le rendimentos era basse
e le profitos precari.

Hic, circa 1903, le introduction del autobus era
un factor significante.  Le nove vehiculo non era
multo attractive.  Technicamente insecur, ruitose,
non confortabile, costose de operation, illo non
jocava un rolo importante in le transporto urban.

In le campania tamen le autobus era un innovation
utile a causa de su basse costos capital.  Un tramvia
necessita un servicio frequente pro esser profitabile,
ma on pote operar un servicio rural con un frequentia
de 60 minutas, usante duo autobuses, e profitar
de illo.  In consequentia, servicios de autobus
se propagava per tote le campania, terminante assi
le isolation enoiose del vita rural.

In Grande Britannia, post 1920, le autobuses
comenciava
concurrer con successo contra le retes de tramvias
minus forte, cuje profitos era marginal.  Le
infortunate companias tramviari non habeva le
possibilitate de successo.  Lor trams non plus era
nove, ma le companias non habeva moneta pro
reimplaciamento o modernisation.  Lor lineas a via
unic non permitteva un operation rapide.  Le provision
de vias duple era impossibile a causa de costo.

Le technologia de autobuses habeva attingite
maturitate.  Illos era plus comfortabile a causa
del introduction de bandas pneumatic, e plus economic
pro le uso de motores Diesel in le annos 1930.

Totevia, le situation era differente in altere partes
de Europa.  In Belgica, in Nederlanda, in Germania
(ma non in Francia) le lineas rural de tramvia
floresceva usque al annos 1950.

In Switza, in Austria, in le paises oriental de
Europa, le major parte de illos exista ancora hodie.
Sin dubita, un combination de factores economic
e politic produceva un effecto differente in varie
paises.

(Ex "Interlingua in interlingua",
<http://www.geocities.com/hkyson>, [Scientias])

---

The Autobus:

The commercial success of the electric tram was
not universal.  In cities, the high costs of
construction were easily compensated for by the
low costs of operation and by the large profits
generated through intense use by large numbers of
passengers.

In Great Britain electrification went hand in hand
with the rapid expansion of municipalization.  The
large profits were used to subsidize the reduction
of local taxes.  But in small cities and in semi-rural
networks, costs of operation made profits very
precarious.

Here, around 1903, the introduction of the bus was
a significant factor.  The new vehicle was not very
attractive.  Technically insecure, noisy,
uncomfortable, costly to operate, it did not play
an important role in urban transport.

In rural areas, however, the autobus was a useful
innovation because of its low capital costs.  A
tram line needs frequent service to be profitable,
but rural service can be provided profitably every
sixty minutes with two buses.  As a result, bus
services spread out throughout rural areas, ending
the boring isolation of rural life.

In Great Britain, after 1920, buses started to compete
with great success against the weaker tram networks,
whose profits were marginal.  The unfortunate tram
companies had no possibility of success.  Their
trams were no longer new, but the companies did
not have any money for replacement or modernization.
Their single-track lines did not allow for rapid
operation.  And providing two-track lines was
impossible because of the cost.

Bus technology, however, had matured.  Buses were
more comfortable because of the introduction of
pneumatic tires and cheaper to run because of the
introduction of diesel engines in the 1930s.

Still, things were different in other parts of Europe.

In Belgium, in Holland, in Germany (but not in France)
rural tram lines flourished until the 1950s.

In Switzerland, Austria, and the East European
countries, most of these lines exist even today.
Without doubt, a combination of economic and political
factors produced a different effect in different
countries.

..............................

Como promover usar le Rete e su ressources
bibliographic public pro incoragiar le uso expandite
de interlingua:

Le dialogos e exercitios de mi curso de conversation
<http://conversationininterlingua.blogspot.com> es un
ressource bibliographic public como "Interlingua
in interlingua" <http://www.geocities.com/hkyson>
e le textos in interlingua de Wikipedia.

Imitante le philosophia de Wikipedia sur le uso
de ressources bibliographic public, vos pote rediger
iste textos como vos vole, forsan combinante los
con altere simile ressources, pro publication
ubicunque in le Rete.

Un maniera excellente de apprender interlingua
vermente ben es compilar vostre proprie anthologia ex
su ressources public, scriber vostre proprie
presentation del grammatica de interlingua, e publicar
vostre effortios in le Rete pro le uso de alteres.

---

Si vos es un studente del anglese, io spera que
le textos in interlingua e anglese que io presenta
in iste sito vos adjuvara in vostre studios.  Vos
anque pote adjuvar studentes de vostre lingua native
si vos presenta simile textos bilingue in iste sito.

Vos anque pote imprimer textos in un tertie lingua,
preparar un version de illos in interlingua, e
finalmente preparar un version de illos in vostre
lingua native.

Tal presentationes demonstra fortemente le avantages
de interlingua como lingua ponte e presentara
ressources multo utile pro studentes del prime lingua
de tal textos trilingue e de vostre lingua native.

__________________________________
Do you Yahoo!?
New Yahoo! Photos - easier uploading and sharing.
http://photos.yahoo.com/