Subject: | |
From: | |
Reply To: | |
Date: | Thu, 29 Mar 2007 23:38:44 +0200 |
Content-Type: | text/plain |
Parts/Attachments: |
|
|
Ab le inviato special del "Oculo Interlinguistic":
Le plantas pompeiane in vendita (notitia ANSA)
Un boteca de herborista aperi in le sito archeologic
POMPEII - Fructos, herbas, semines e altere productos del plantas que
esseva popular inter le antique Romanos revenira in vendita iste
septimana in un herboristeria restructurate in le sito archeologic de
Pompeii.
Le mercantia esseva tote producite de plantas crescite in un horto
botanic pompeian, diligentemente restaurate a su precedente gloria.
Un equipa interdisciplinar includente archeologos, biologos, botanistas
e historicos empleava annos excavante le restos del sito, identificante
exactemente qual plantas esseva cultivate ubi.
Le horto de 800 metros quadrate es ora novemente domo de un grande
varietate de species vegetal, includente arbores de fructos, herbas
medicinal e verdura.
Le projecto ha anque comportate le analyse exstensive de textos roman al
fin de producer articulos le plus proxime possibile a illos que olim
esseva vendite in le herboristeria.
Le boteca del herborista e le horto, que es dividite in differente
sectiones signalate in Italiano e Anglese, remanera aperte al publico
general usque le medietate de april.
Isto es le secundo jardin developpate per le team dirigite per le
biologist Annamaria Ciarallo in le ruinas de Pompeii, que esseva sepulte
quando le Vesuvio eruptava in Augusto del 79 p.Ch..
Quatro annos retro le equipa recreava un jardin de 4000 metros quadrate
attaccate al Domo del Perfumista in le urbe. Isto susteneva le vendita
del balsamos, essentias e cosmeticos in le edificio confinante.
Le gruppo interdisciplinar ha anque laborato in un essayo de grande
successo pro producer le prime recreation de un vino roman antique. Le
projecto, hodie in su septime anno de vita, usa racemos proveniente del
vinia restaurate al Domo del Fontana.
Le vino, rubie rubino e de corpore plen, prendeva su nomine ex un de
plus famose attraction del urbe sepulte, Villa del Mysterios.
Valete omnes
robocap
--
Archivos e disabonar: http://listserv.icors.org/archives/INTERLNG.html
|
|
|