Car Jerzy e alteres!

Ingvar Stenström me informava in un lettera private (ille non ha tempore
scriber al lista), que le *fera es naturalmente un error in vice del
"feria". Como vos pote observar, io ha corrigite iste falta in le campo
"subject" de iste littera, mesmo si il se tracta de un responsa (indicate
con "Re:" in le titulo) e io vos incoragia facer le mesme in omne casos, si
vos recognosce un falta in le titulo del message, al qual vos responde (e
non lassar le campo "subject" automaticamente assi, erroneemente, proque si
novicios de interlingua vide multe vices le parolas erronee in interlingua,
legente solmente le titulos, iste false formas va fixar se in lor mentes e
isto non es desirabile, naturalmente).

Del resto Ingvar me informava anque re lo que le abbreviation "Re:" in le
letteras de responsa non se refere al "responsa", ma ha le origine del
latino >>le ablativo de "Res" cosa, materia, Sache(Angelegenheit)<<.

Io non sape, esque ille ha ration, io ha solmente transmittite le message.

Péter Kovács

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================