d[061102] x[Kiviaho Allan] z[KivA-FN2vf]
s[Composition de messages in correspondentia]

[log in to unmask]
[log in to unmask]

Ave interlinguistas, morOturo vos saluta!

Proque il ha nulle standardisation in interrete e inter
le navigatores e varie programmas de ePosta, messages de
alicun amicos interlinguistas veni in formato difficile,
si non horribile ...

Io spera que le participantes in nostre foros vaderea
sequer le sequente principios:

1. REPETE SOLMENTE iste partes de messages de altere
participantes que vos vole commentar, NON TOTE MESSAGES
(bon, in alicun casos il pote esser necessari repeter
tote le texto).

2. MARCA CLARMENTE ubi le repetition comencia e ubi illo
fini! Le methodo
 > Blabla blalabla bla
 > Bla bla blabla blabala blabla
es forsan passabile sed melior es e.g.:
----------------------------------------------------------------
[Le repetition]:
Tudor Brutalescu 061101: Tu Allan es, pro exprimer lo
cortesemente, pauco intelligente.
-------------------------------------------------------x--------
[Mi commentario]:
Car Tudor, tu pote ha ration, infortunamente.

3. Usa principalmente lineas que ha un maxime longor de
64 characteres.

4. IMPORTANTE: Fini omne lineas de tu texto con ENTER,
non lassa le editor de textos face lo automaticamente.

5. IMPORTANTE: Quando tu copia le texto ex tu editor de
texto al ePosta, face lo in formato de "TEXTO" (ASCII,
plus o minus), non in formato de tu editor de textos
(como MS Word, Word Perfect, OpenOffice etc.)

6. Non usa le option "HTML" (HyperText Markup Language)
in tu programma ePostal!

Io va inviar messages que io tene como "horribile",
confidentialmente - io non vole "revelar personas
ante tribunal public".

E, informa me, per favor, si tu trova problemas in mi
messages!

Salutante

Allan Kiviaho

:::::::::::::::::::::::::::::::::::::::::::::
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FI-01620 VANTAA. Finlandia
http://www.interlingua.fi
http://www.interlingua.fi/ceiafil/ceia.htm
http://www.interlingua.com/historia
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
:::::::::::::::::::::::::::::::::::::::::::::

--
Archivos e disabonar: http://listserv.icors.org/archives/INTERLNG.html