Turchia es un exemplar del fascismo classic, un pais in le qual post le 
Prime Guerra Mundial le governamento era captivate per un secto political 
con un ideologia de nationalismo, militarismo, adulation fanatic de un 
"grande leader" (in iste caso Ataturk) e intolerantia violente contra le 
minoritates.
Le prime pais con un regimen que practicava fascismo moderne era illo de 
Horthy, in Hungaria, comenciante in 1919; le secunde era in Turchia. Ataturk 
ha finite su conquesta de Turchia in 1922, quando su soldatos ha destruite 
Smyrna in un foco genocidal que ha assassinate plus de 100,000 grecos e 
armenios.
Le tertie pais fascista era Italia, ubi in 1923 Mussolini ha comenciate su 
regimen. E era ille qui ha originate le parola "fascismo," que depost era 
usate per le regimenes que era initiate post le "duce," como illos de Hitler 
e Franco. Ma infelicemente le regimen fascista que mesmo hodie governa 
Turchia -- proque illo era in loco ante de Mussolini, e proque Turchia (in 
contrasto a Hungaria) era neutral in le Secunde Guerra Mundial-- ha eludite 
le appellation "fascista" e non era tal ben recognoscite como le fascismo 
que illo vermente es.
Ma hodie in Turchia, milliones de turcos brave e honeste son minus e minus 
tolerante de lor regimen de intolerantia. Scriptores heroic como Orhan Pamuk 
e Elif Shafak ha parlate contra le fascismo, le militarismo, le repression 
contra le kurdos, e le denegation del genocidio contra le armenios, e ha le 
supporto de un grande parte del population de Turchia.
Del omne le paises in le mundo, Turchia ha (per capita) plus grande numero 
de scriptores in prision. Isto reflecte le fascismo del regimen, obviement, 
ma alsi e plus importante isto reflecte le bravura e integritate del 
scriptores turc! E io es certe que il es le scriptores e artistas e 
pensatores de un pais, e non su regimen, que plus ben representa le spirito 
del populo.

pro libertate,
-Julio Dobkin





From:  jasef harb <[log in to unmask]>
Reply-To:  Discussiones in Interlingua <[log in to unmask]>
To:  [log in to unmask]
Subject:  [INTERLNG] Turchia
Date:  Sun, 8 Oct 2006 12:42:01 -0700
Allan scribe :

   Turchia es forsan le ultime salvation de Europa de un
catastrophe demographic - post non multo multe annos in
plure paises europee le medie etate de plus quam 50 % de
population va esser plus quam 65 annos ... Turchia es le
sol grande reservoire de population in nostre vicinitate
qui son bastante "europee" e qui VOLE esser europee.

   ---

   Io non es tan secur como tu que le facto que Turchia entra in Europa
resolvera le problema demographic de europa.

   De plus si on ha presente que il ha problemas de integration de
minoritates etnic (vider le situation in Germania) e le augmentation del
extreme dextra in plure paises de Europa, assi le situation pro un bon
integration de Turchia non ha un panorama multe clar al minus a curte
termino.

_________________________________________________________________
Express yourself - download free Windows Live Messenger themes! 
http://clk.atdmt.com/MSN/go/msnnkwme0020000001msn/direct/01/?href=http://imagine-msn.com/themes/vibe/default.aspx?locale=en-us&source=hmtagline

--
Archivos e disabonar: http://listserv.icors.org/archives/INTERLNG.html