Kjell Rehnström ha scribite:
> Ante le Guerra in Irak il habeva personas de Svedia qui viagiava a 
> Baghdad pro ager como scutos human. Il habeva anque demonstrationes 
> contra un eventual american invasion in Irak, e ego cogitava si il es 
> sage participar in demonstrationes contra le guerra. Mi conclusion era 
> que ego non vole participar in dar ideas a Saddam Hussein que le mundo 
> es tanto pacific que illo va tolerar toto que ille face. Le 
> controllatores del UN non poteva trovar le celate armas. E on 
> ridiculisava multo Hans Blix, qui, de facto haberea ration!
In tote Europa, e forsan anque in le S.U.A., plures faceva le mesme 
considerationes e perveniva al mesme conclusion. In Italia, 
particularmente, le major parte del observatores independente (de sr 
Berlusconi) opinava que le "armas de destruction de massa" esseva jam 
transportate in Syria desde plure menses. Le "pacifistas" (anti-american 
e anti-israelian) demonstrava contra le invasion de Iraq, ma lor 
position appareva debile quia numquam illes demonstrava contra le 
massacro de Kurdes o le invasion del Kuwait. Assi le opinion public 
italian optava pro un action mirante a stoppar Saddam Hussein, evitante 
le error facte con Hitler (io mesme opinava isto).
> A tremenbe costos on ha de novo apprendite que il es impossibile facer 
> revoltuion pro un altere populo. Le populo ipse debe facer iste 
> revolution.
Si, ma illes pote esser adjuvate con le propaganda per le media (radio, 
television e cinema). Usque nunc le islamic monstrava plus efficientia 
in isto que le occidentales (vide p.ex. Al Jahzeera)
>
> Mi impression es que le administration del Statos Unite ha troppo 
> credite in le opposition de varie paises totalitari. Pro exemplo in le 
> paises communistic il habeva obviemente gente qui supportava le 
> regimes, e le contra-regimes pensava que le Statos Unite va supportar 
> un rebelion, lo que naturalmente non era multo probabile. Compara le 
> revolution, rebelion in Hungaria in 1956 o le invasion in 
> Tchecoslovachia in 1968. Le forte remedio totevia era le stilo de vita 
> in le Statos e le interesse del populo viagiar ibi e laborar. In 
> Polonia, secundo mi memoria, le dollar statounitese era le secunde 
> valuta in le pais!
Le democratia pote esser exportate solmente in le Paises que jam in le 
passato perveniva autonomemente al democratia, vole ben vider le casos 
de Italia e Germania post le secunde guerra mundial. Io opina, in vice, 
que le S.U.A non supportava minimemente le opposition democratic in 
Iraq, Iran, Libano, Afghanistan, Pakistan, Ukraina etc. e optava sempre 
pro un action directe. Grande error!
> Ante alcun septimanas ego audiva un programma in le radio ubi on 
> narrava del juvenes in Tehran qui in partias secrete bibeva alcohol e 
> se vestiva levemente, lo que es interdicte in le presente regime. Ma 
> si il haberea un attacco a Iran tote le populo va certo unir se contra 
> le invasor. Ego dubita qeu le medie classe es sufficientemente forte 
> pro permitter un successose occupation de Iran, Ma per le tempore le 
> opposition certo essera sufficentemente forte pro realisar un cambio 
> in Iran.
Io ha plure amicos iranian, e io mesme iva in Iran pro labor. Io crede 
que le medie classe iranian (que illes appella "classe del bazaar") es 
comprimite inter le pasdaranes (Ahmadinejad es lor representante) e le 
mullahs (le Presidente iranian es lor representante). Le modello pro le 
juvenes qui frequenta le Universitate es le films indian, que recipe con 
antennas parabolic, plus que le films american, que pervene 
clandestinamente per le emigrates de Europa o S.U.A.. Ma, post toto, 
illes es descendentes de un grande civilisation e si alcun attaccara 
Iran illes facera un corpore unic contra le invasor. Vole ben memorar le 
guerra Iraq-Iran, 1 million de mortos iranian.
> .................................................
> Justo nunc ego audi de un ayatolla Burudjardi qui ha incontros quasi 
> ecumenic qui pete le adjuta de Svedia pro que su voce unificara le 
> populo con Deo. Multo interessante!
>
Io non vole facer le sceptic a omne costo, ma in le lingua del 
ayatollahs "unificar alcun con Deo" significa remitter lo al Creator. 
Presta attention!

Salutes cordial

robocap

--
Archivos e disabonar: http://listserv.icors.org/archives/INTERLNG.html