Stanley Mulaik wrote:

> Isto es similar a 'creder in le Biblia, mesmo su errores'.
>
>Paul, nos es homines intelligente, e nos pote cambiar  nostre
>practica quando il ha errores.  Io non argue que le IED es plen de
>errores. De facto illo ha multe pauc errores.  Mais a esser fidel
>al conception de interlingua como un lingua basate super le
>practica de milliones de personas, nos debe cambiar lo quando
>nostre re-examination del resultatos de previe effortios a
>constatar aquelle practica revela que nos non exactemente ha
>capturate le realitate de aquelle practica.  Alteremente, nostre
>pretensiones que interlingua es un objective constatation del
>vocabulario international es vacue. E interlingua deveni solmente
>un altere lingua auxiliar de un parve communitate de creditores
>que passa in le historia.
>
>Cordialmente,
>
>
In mi opinionn il es OK si alcuno vole questionar le principios de
extraction de vocabulos pro interlingua, sed il es anque preferibile que
un tal lab or es facite per linguistas professional e non per amatores,
e il anque es preferibile que un tal labor es criticate per altere
academicos linguistas, non solo per plus o minus amatristic individuos.
E ego rapida acercar que etiam amatores ha facite significante
contributiones in le campo del linguistica. Le decifrator del Linear B
era un ingeniero pro exemplo.

Mesmo alcun studentes de nivello initiante in studio romanic poterea sub
le guida de un renomate professor romanista facer un significante
contribution.

ante que nos ha tal resourses il es melior lassar star le IED e lassar
le uso (usage) decider.

Assi, quando il habera le moneta pro financiar le recerca in un simile
maniera que le construction de interlingua per le IALA , nos potera
facer iste  recerca, sed ante iste tempore il es un guasto de energia e
un impedimento al uso de interlingua. Pro nos qui non maestra un lingua
mundial, interlingua como un relativemente consistente alternativa,
basta, sin ancora nove variantes scientific.

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================