http://story.news.yahoo.com/news?g=events/sc/123003snakes&a=&tmpl=sl&ns=&l=&e=1&t=&prev=7
Parco Pone le Serpente le Plus Longe del Mundo In Spectaculo.
Tue Dec 30, 9:12 AM ET
KENDAL, Indonesia (Reuters) - Un parco de recreation in Indonesia monstra un
python de 14.85 metros (49 pedes) -- le qual es le plus longe jammais
captivate -- que on ha venerate como un soverano tribal e ha un grande
appetito pro canes.
Le enorme serpente de color obscur ha un diametro de 85cm (2.8 pedes), pesa
(984 libras) e ha 14.85 metros (48.7 incias) de longor, secundo guardianos
de un exhibition de animales al parco Curugsewu in le parve urbe Kendal in
Java Central.
Dominator de serpentes Imam Darmanto diceva reporteres de Reuters que
mangiar le canes place le serpente sin nomine.
"Iste serpente ingluti canes. In un mense, illo pote mangia circa cinque
canes," ille diceva.
Secundo le Guiness World Records (Records Mundial Guiness), le serpente le
plus longe, discoperite usque ora esseva un python reticulate anque de
Indonesia. Illo esseva 10 metros (33 pedes) de longor quando discoperite in
le ilsa Sulawesi in 1912.
In le anno passate, Samantha, un serpente mesurante octo metros e le qual
habeva appellate le plus grande in captivitate, moriva in le Bronx Zoo in
Nove York. Samantha veni ex le parte indonesian del isla Borneo.
Darmanto trovava le python reticulate in le anno passate in le isla Sumatra,
ubi le villanos lo habeva captivate e tenite in captivitate.
Ma menses de discussion esseva necessari ante que le villanos, qui venera le
creatura, dava permission de apportar lo a Java.
"Le triba Kubu lo videva como le soverano del triba. Dunque, nos debeva
adherer a tote le regulas e le autoritates de tourismo debeva demandar le
cambio
de domicilio del serpente, " Darmanto diceva.
Le triba Kubu habita le junglas de Sumatra del Sud e evita incontros con le
mundo moderne.
A causa del serpente, le numero de visitatores al parco statal, le qual
normalmente es note pro su paisage e cascadas, ha triplicate.
_________________________________________________________________
Make your home warm and cozy this winter with tips from MSN House & Home.
http://special.msn.com/home/warmhome.armx
|
