Ben que le parola "America" se applica genericamente
al duo continentes american, il pare que le adjectivo
"american" in multe linguas europee se applica
principalmente al Statos Unite.

Forsan le causa de isto es le nomine complete del
Statos Unite, "The United States of America" (Le
Statos Unite de America).  Si mi memoria me servi ben,
nulle altere pais del Americas ha "America" in su
nomine official.

Ben que il es regrettabile que "american" generalmente
se applica al Statos Unite e non genericamente a omne
le Americas, isto es un fait accompli linguistic inter
multe linguas europee.

Le mexicanos (e multe altere hispanophonos american)
nos nomina "norteamericanos".  Ma il pare que illes
non applica iste nomine al canadianos, que illes
generalmente nomina canadianos.

(Il es specialmente curiose que le mexicanos nos
nomina norteamericanos proque Mexico mesme es un parte
del continente nordamerican.)

Omne isto indica que le systema semantic de omne
lingua non ha le structura logic del mathematica.  Le
ration es que illo es un structura collective inter
omne le usatores de un lingua, e un sol usator pote
haber un influentia solmente multo limitate sur illo.

__________________________________
Do you Yahoo!?
New Yahoo! Photos - easier uploading and sharing.
http://photos.yahoo.com/