Le esperanteses sembla recognoscer que le ascendentia del anglese a un
position principal in le uso como un lingua auxiliar es un menacia a lor
objectivos de devenir le lingua auxiliar del mundo.
Assi illes attacca le facto que anglophonos non debe studiar un altere
lingua, durante que tote le mundo altere debe studiar lo. Es isto juste?
Es le apprension de alcun lingua juste? On va apprender lo si on crede
que illo provide un medio a attinger le cosas que on vole. Al momento
actual le anglese es le medio pro attinger multe cosas, e le difficultates
es minor contra le beneficios de saper e usar lo. Isto es como semper
il ha essite con linguas.
Stan Mulaik