Graffiti e annuncios commercial es simile de multe
manieras.  Le duo formas de communication occupa
spatio public.  Illos se trova in omne partes e
es impossibile non vider los.

Le duo formas de communication quando illos es belle
e efficace in lor communication, attinge le stato
de arte, ben que illos plus sovente es assatis fede
e irritante.

Ma il ha unes differentias significante inter illos.
Annuncios commercial es designate pro manipular
le publico a comprar alique.  Graffiti, del altere
parte, es solmente un maniera de autoexpression.

Le sectores potente de nostre societate approba
annuncios commercial e sovente illegalisa graffiti.
Le puncto clave explicante le criminilsation del
graffiti es le moneta.  Annuncios commercial es
le expression public de gente ric.  Graffiti es
le expression de gente povre, qui sovente critica
le societate "legitime" controlate per le ricos,
que sovente opprime le povres.

Desde circa 1985 le artista Ron English ha explorate
le relationes inter graffiti, annuncios commercial,
arte, e "vandalismo".  Ille se exprime con imitationes
del grande annuncios commercial que appare in multe
locos, includente le muros de edificios grande.
Ille e su assistentes repinge tal annuncios con
messages subversive, e a vices on les ha arrestate
a causa de lor effortios.

Ecce unes exemplos del travalio de Ron English:

(1) Un figura de Christo surridente con un bottilia
de bira Budweiser in le mano, con le slogan "Le
Rege del Judeos sempre bibe le Rege de Biras";

(2) "Sempre Kool", illustrante un homine morite
a causa del cancer del pulmones sur le logotypo
de cigarettas Kool;

(3) Un porco fedissime in le costume de un clown
sub le arcos aurate del McDonalds con le slogan
"McDonald's:  Sempre facente progresso verso un
vita melior trans le chimia";

(4) Un illustration del Hummer del soldatos american
con le message "Jesus guidava un Hummer.  Muhammed
pumpava su gasolina.  Le Hummer non es le mesme
wagon de guerra guidate per vostre patres."

Le scopo de iste e simile messages es confrontar
le gente commun con multes ex le problemas e
stupiditates aggressive del cultura american,
includente su gente religiose qui trova un gaudio
special in facer miserabile le vita de altere personas
qui non crede in su superstitiones.

Tal messages sovente provoca le cholera.  Ma illos
anque provoca le pensamento critic.  E multe gente,
post vider unes ex le obras de English, comencia
vider de un maniera differente le propaganda de
nostre annuncios comercial ubiquite--e anque le
propaganda de nostre governamento federal, que insiste
que nos ha liberate Iraq in vice de invader lo pro
controlar le extraction de su petroleo.

Le agentias que prepara iste propaganda commercial,
secundo English, es mercenarios.  Illos solmente
vole ganiar moneta.  E le major parte de illos facerea
propaganda favorabile pro personas como Adolf Hitler
si illos poteva ganiar assatis moneta in le processo.
English e su equipa usa lor proprie technicas ma
con le scopo de exponer a omnes lor avaritia e
hypocrisia.

Io mesme ha facite alique simile con un obra mie
in anglese, "Afternoon Television (Ya gotta love
it!)" que io ha publicate a <http://www.afternoontelevision.blogspot.com>.

__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com