Ensjo ha scribite:

"Si Interlingua seque un curso evolutive disconnexe
del linguas-fontes, disveloppante idiotismos
(expressiones e vocabulos proprie), illo cessa esser
un "inter-lingua" e comencia esser minus legibile al
publico externe. In le curso del tempore illo
devenirea un lingua neolatin como qualcunque altere."

---

Como il non ha usatores native de interlingua, il es
impossibile standardisar lo ultra un certe puncto.

Differentias como grammatic/grammatical e
minuta/minuta, pro exemplo, non causa problemas de
comprehension proque il ha multe redundantia inter
iste parolas.

Tu, como io, ha legite multe debattos sur le
preferentias de vocabulario inter Stan e altere
interlinguistas (pro exemplo le preferentia de Stan
pro "aqueste" in vice de "iste"), e mesme iste e
altere preferentias sue non causa problemas de
comprehension proque ille sape organisar su
pensamentos de un maniera rational quando ille scribe.

Omne nos usa interlingua de manieras assatis
differente proque interlingua es un lingua planificate
con un grammatica con multe lacunas e optiones
grammaticolexic.  Iste circumstantia produce debattos
interminabile e sterile sur lo que es "correcte" in
interlingua e lo que non lo es.

Ante multe tempore, tu mesme scribeva in iste sito que
il essera impossibile resolver iste tipo de debattos
definitivemente (con un referentia al preferentias de
Stan).

Como io ha dicite sovente io mesme crede que tal
debattos es un guasto de tempore e effortio, e io non
participa in illos multo sovente.  Le sol maniera de
disveloppar le capacitates expressive de interlingua e
de omne altere lingua es provider exemplos de su uso
in un contexto assatis ric pro permitter le
comprension facile.

Io anque es convencite que le grammatica de Gode e
Blair non debe esser un lecto de Procurstes ma un
puncto de partita que suggere le (dis/de)veloppamento
ulterior de interlingua.

__________________________________
Do you Yahoo!?
Yahoo! Hotjobs: Enter the "Signing Bonus" Sweepstakes
http://hotjobs.sweepstakes.yahoo.com/signingbonus