(Me placerea multo si un lusophono providerea un
version portugese de iste historia del Brasil, sia
como io lo presenta hic, sia corregite, sia corregite
e augmentate.)
---
Le declino del auro in le economia brasilian e le
crescente movimento antisclaviste:
A causa del declino del production de auro ex le
minas brasilian, le agricultura continuava su
domination del economia del pais durante le epocha
imperial.
Le coton, le cafe, e le sucro esseva le productos
principal. Iste sectores economic del pais requireva
multe laboratores, e on continuava le uso de sclavos.
Le grande proprietarios rural, qui habeva multe
influentia sur le governamento federal, generalmente
poteva controlar su politicas pro fortificar lor
interesses. Illes esseva contrari al movimento
antisclaviste que cresceva in Europa e in le Statos
Unite e que habeva arrivate anque al Brasil.
In parte a causa de pression politic britannic,
le commercio de sclavos esseva declarate illegal
in 1831, ma illo non cessava usque 1853. Pressiones
abolitioniste inter brasilianos comenciava fortificar
se durante le decada inter 1860 e 1870.
In 1870 le parlamento brasilian approbava un lege
que prevideva un emancipation gradual, ma illo non
satisfaceva le advocatos del abolition. Durante
le annos sequente le sclavos de Ceará e Amazonas
esseva liberate, e in 1888 le imperio promulgava un
lege que eliminava le sclavitute completemente sin
compensationes pro le proprietarios del sclavos.
Le emancipation final del sclavos e le fin del imperio
de Pedro II
Ben que durante le imperio de Pedro II le Brasil
cognosceva un epocha de prosperitate, il habeva
varie fontes de discontento in le pais. Post perder
lor sclavos sin indemnification, le latifundistas
comenciava un campania contra Pedro II e su imperio.
Le crescente enthusiasmo del brasilianos pro ideas
republican anque erodeva appoio pro le imperio. Le
armea, credente que le nation non le monstrava assatis
respecto post su sacrificios in le guerra contra
Francisco Solano López del Paraguay, voleva restaurar
su honor e opponeva le governamento imperial.
Le imperator abdicava formalmente in 1889 e vadeva
in un nave brasilian a Francia, ubi ille moriva
post duo annos.
---
The Decline of Gold in the Brazilian Economy and
the Growing Antislavery Movement:
Because of the the decline in the production of
gold in Brazilian mines, agriculture continued
dominating the economy of the country during the
imperial period.
Cotton, Coffee, and sugar were the principal products.
These economic sectors were heavily labor intensive,
and the use of slaves continued.
The large rural landowners, who had a lot of influence
on the federal government, generally were able to
control its policies to strengthen and protect their
interests. They were against the antislavery movement
that was growing in Europe and the United States
and had arrived in Brazil.
In part because of British political pressure, the
traffic in slaves was declared illegal in 1831,
but it did not stop until 1853. Abolitionist
pressures
among Brazilians gathered strength during the 1860s.
In 1870 the Brazilian parliament approved a law
providing for gradual emancipation, but it did not
satisfy abolitionist advocates. In the following
years the slaves of Ceará and in the Amazon area were
freed, and in 1888 the empire enacted a law that
completely eliminated slavery without indemnifying the
owners of the slaves.
The Final Emancipation of the Slaves and the End
of Pedro II's Empire:
Though during the reign of Pedro II Brazil went
through a period of prosperity, there were various
areas of discontent in the country. After losing
their slaves without indemnification, the large
landowners started a campaign against Pedro II and
his empire.
The growing enthusiasm for republican ideals among
the Brazilians also eroded support for the empire.
The army, believing that the nation did not show
it due respect after its sacrifices in the war against
Francisco Solano López of Paraguay, wanted to restore
its honor and opposed the imperial government.
The emperor abdicated formally in 1889 and went
in a Brazilian ship to France, where he died two
years later.
..............................
Como promover usar le Rete e su ressources
bibliographic public pro incoragiar le uso expandite
de interlingua:
Le dialogos e exercitios de mi curso de conversation
<http://conversationininterlingua.blogspot.com> es un
ressource bibliographic public como "Interlingua
in interlingua" <http://www.geocities.com/hkyson>
e le textos in interlingua de Wikipedia.
Imitante le philosophia de Wikipedia sur le uso
de ressources bibliographic public, vos pote rediger
iste textos como vos vole, forsan combinante los
con altere simile ressources, pro publication
ubicunque in le Rete.
Un maniera excellente de apprender interlingua
vermente ben es compilar vostre proprie anthologia ex
su ressources public, scriber vostre proprie
presentation del grammatica de interlingua, e publicar
vostre effortios in le Rete pro le uso de alteres.
---
Si vos es un studente del anglese, io spera que
le textos in interlingua e anglese que io presenta
in iste sito vos adjuvara in vostre studios. Vos
anque pote adjuvar studentes de vostre lingua native
si vos presenta simile textos bilingue in iste sito.
Vos anque ha le possibilitate de imprimer textos in un
tertie lingua, preparar un version de illos in
interlingua, e finalmente preparar un version de illos
in vostre lingua native.
Tal presentationes demonstra fortemente le avantages
de interlingua como lingua ponte e presentara
ressources multo utile pro studentes del prime lingua
de tal textos trilingue e de vostre lingua native.
---
Ecce duo sitos importante pro studentes de linguas e
del linguistica:
CENTER FOR APPLIED LINGUISTICS, un organisation cuje
preoccupation principal es trovar lo que es utile pro
le instruction de linguas nove in le linguistica
theoretic e incoragiar le uso de iste information pro
formar manieras plus efficicace de inseniar linguas.
Le sede electronic de iste organisation es
<http://www.cal.org>.
LINGUISTIC SOCIETY OF AMERICA, le organisation
professional pro linguistas academic american. Lor
sede electronic es <http://www.lsadc.org>.
__________________________________
Do you Yahoo!?
Yahoo! Hotjobs: Enter the "Signing Bonus" Sweepstakes
http://hotjobs.sweepstakes.yahoo.com/signingbonus
|
