Marted́, 5 ago 2003, alle 19:50 Europe/Rome, Stanley Mulaik ha scritto:
> Que es le dialecto de italiano que tu parla, Luca?
> Ubi es le region in que illo es parlate?
Le "aecc" era nominate per me... e io vive in Abruzzo, Italia central.
> Io esserea curiose del origine
> del 'a-' in 'aecc'.
Infelicemente, il non ha alicun textos scripte officialmente in
abruzzese que io poterea controllar. :(
De facto, uno standard de scriptura non mesmo existe, e scriber lo con
le "spelling" italiano es un pauc difficil proque le parola sovente
termina e contene schwas.
> Que es le formas del adjectivos demonstrative in tu
> dialecto?
Curiosemente mi dialecto non ha formas equivalente a "iste" (it.
questo). Il ha un forma equivalente al italiano "codesto", que es
"quess" [in italiano illo esserea "quesso"], que *in teoria* serea
usate pro cosas qui es proxime a ille qui audi ma non a ille qui parla.
In realitate, comocunque, illo es usate como synonimo de "questo".
(E sovente, assi como "questo" deveni "sto" in itailano informal,
"quesso" pote devenir "sso").
Totevia, al minus hic, parlar dialecto es considerate un manco de
cultura!
--
Daniele Nicolucci (Jollino)
"An it harm none, do as ye will"
|
