2004-12-06 kl. 18.36 skrev Daniele Nicolucci (Jollino):

> Totevia, ben que antea io legeva quasi tote le messages de INTERLNG e a
> vices io respondeva, ora le discussiones sembla esser solmente super
> vocabularios, wiktionarios, correctiones pro transformar le
> dictionarios de romanica in dictionarios de interlingua, etc.
> Isto non me interessa, io sapeva que INTERLNG era un lista pro
> discussiones *in* IA e non *super* IA. Il occurre de tempore a tempore
> que il ha un demanda grammatical o comparationes inter linguas, ma il
> pare que INTERLNG se ha transformate a un lista de editores de
> vocabularios. Io admira le travalio de qui dedica su tempore a isto, ma
> viste que isto es un cosa que io non pote facer, il es inutile que io
> resta in INTERLNG pro leger messages e messages super iste thema.
> Io va deler me ex le lista post iste message.
>
> Si vos debe/vole contactar me, vos pote scriber me privatemente.
>
> Io vos desira un bon continuation.

Il forsan es un cosa natural que personas, interessate in un lingua
non-ethnic va concentrar se multo in le aspecto del lingua, como furnir
dictionarios etc. Si isto _es_ enoiose a alcuno ego recommenda a iste
persona que ille/a scribe de altere cosas.

Pro mi proprie parte ego es interessate in usar iinterlingua e ego ha
apprendite multo in respecto al ambiente del varie participantes in
iste lista.

Il es un problema con omne movimentos lingual que on se concentra in le
lingua e non lo qual on communica per iste lingua.

Il debe esser interessante leger interlingua - lassa nos non oblidar
isto, ma il depende de nos. Ego non ha le derecto planger me de iste
lista si ego non ipse face efforcios de scriber textos interessante.

Scribente isto le horologio monstra 6.54 e il es completemente
tenebrose ma con 5 grados Celsius, sin nive. Solo post un hora nos
habera qualcosa simile a die.

Salutes del nord!

Kjell R