Subject: | |
From: | |
Reply To: | |
Date: | Thu, 5 Oct 2006 01:13:30 +0200 |
Content-Type: | text/plain |
Parts/Attachments: |
|
|
Le thema "Jesus" es de grande interesse anque sub le profilo historic.
Io legeva plure libros sur le subjecto, per autores de omne origine e
pensamento e io pensa de poter synthetisar assi le "stato del
arte": sin nove discopertas archeologic e documental, il es impossibile
affirmar alcun que in re le sr Joshu'a ben Joseph, nec quando ille
nasceva, nec qui esseva su parentes, nec si ille habeva fratres e sposa,
etc. On pote asserer alcun cosa in re Jesus solmente con le fide, ma
isto automaticamente cassa le significato scientific del debatto. Cosa
diverse es in vice le thema del Christianismo del prime tempores: le
eruditos es rationabilemente certe de alcun punctos cardine (io cita de
memoria):
1. Le Romanos non percipeva le existentia del Christianos usque al
tempores de Nero (37-68 d.C.), e initialmente los considerava un secta
de judeos qui predicava le imminente fin del mundo
2. Nihil se cognosce del fin de Petro e Paul, ma le prime persecution
specific contra le Christianos esseva actuate per le imperator
Domitianus (81-96 d.C.), ergo quando nemo o quasi nemo qui habeva
cognoscite Joshu'a esseva ancora in vita.
Ergo secunde, le legenda de Nero qui face occider le Christianos in le
Colosseum es false, quia A) Nero esseva philo-judee B) le Colosseum
esseva construite post le morte de Nero.
3. le prime documentos scripte in re le inseniamentos de Joshu'a appare
post le anno 60, probabilmente quia pauc de illes qui cognosceva Joshu'a
personalmente esseva ancora active: iste documentos es catalogos de
citationes de Joshu'a regruppate secun le argumento, sin alcun
referentia al occasion o al tempore in que esseva pronunciate.
4. Assi, le documentos plus ancian del Christianismo es le epistulas de
Paul (qui non habeva cognoscite personalmente Joshu'a), que es dirigite
a personas inter qui probabilmente esseva alcun qui cognosceva
personalmente Joshu'a: assi le referentias de Paul al parolas de Joshu'a
es multo pauc. Il es inde multo probabile que le prime Christianos
appareva como consequentia del predication de Paul e non de Petro.
Naturalmente, nove discopertas pote contradicer anque iste punctos cardine.
Historicamente
robocap
--
Archivos e disabonar: http://listserv.icors.org/archives/INTERLNG.html
|
|
|