Ante que alicun discussiones non-amicabile e non-necessari occure, le
administratores de INTERLNG volerea vos assecurar que INTERLNG remanera un
foro pro discussiones in interlingua. Si personas vole discuter cosas in
altere linguas nos petera los facer lo alicubi differente. Sur le grande
plagia linguistic del rete, nos ha solmente iste parve loco ubi nos pote
trovar tal discussiones in interlingua e practicar leger e scriber.
Ma, il es anque clar que le membros de INTERLNG veni de multe paises e ha
interesses e fundos multo varie. A vices nos vide exemplos ex altere
linguas--anglese, catalano, italiano, tutonish, svedese, espaniol,
portuguese, latino, finnese, esperanto, francese, germano, russo, e
alteres. Nulle problema con exemplos (o emergentias). Ma discussiones o
excambios continuate in altere linguas non serea benvenite.
Finalmente, io vole accentuar que interlingua non ha parlatores native.
Omnes face lor errores. Il es multo importante in iste gruppo que illes
qui ha plus experientia tracta le minus experientiates con gentilessa e
amicitate a fin que illes non timera facer lor prime passos.
-- frank
|