d[011203] x[Kiviaho Allan] z[KivA-1R3fm] r[RehK-1R1]
s[Re: Ambular pro capitalismo. V.I. Lenin - vrag kapitala]

[log in to unmask]

---------------------------------------------------------------
Rehnstrom Kjell 011201: Mi problema es plus grande. Io vacilla
inter participar in le "Ambular pro capitalismo" o restar a
casa! Deman in Stockholm. Cellus
------------------------------------------------------x--------

Cellus e Marius!

Ante forsan 40 annos io stava ante le "Smolnyí" in
Leningrad, in su tempore un schola pro puellas de
nobilitate in Sankt Peterburg, posteriormente le stato
major de Vladimir Ilyicz Lenin, Lev Trotzkií, Feliks
Dzherzhinskií etc. in Petrograd.

In corte de iste edification era le auto armate super
qual Lenin pronunciava su oration famose al station
ferroviari Finlandese (in Sankt Peterburg post que
ille habeva arrivate ab Suissa e Germania pro facer
le grande revolution de octobre in 1917).

Le nomine de iste auto armate era
    "VRAG KAPITALA" - "INIMICO DE CAPITAL"

Capitalismo duce nos a perdition. Communismo haberea
facte le mesme sed plus tarde proque iste systema era
minus efficiente ...

A proposito, quando io e mi sposa stava in le corte
del Smolnyí, ille era un stato militar. Göran von
Bonsdorff, un famose professor finlandese qui ancora
vive, habeva photographiate le edification proque ille
voleva facer un collection de placias ubi general
(postea le marechal de Finlandia) Carl Gustaf
Mannerheim habeva essite. Marechal (un periodo mesmo
le presidente del Republica Finlandia) Mannerheim era
usque su 51e anno del vita un officiero in le
armea imperial russe, i.a. como un general de
cavalleria e commandante de un corpo de armea in le
prime guerra mundial. Post le revolution ille
retornava a Finlandia e conduceva omne nostre grande
(nos habeva etiam alicun minus grande ...) guerras
contra Russia in le 20e seculo, 1918, 1939-40 e
1941-44.
    Vide http://www.mannerheim.fi/ si il vos place.
Traduction de iste paginas a interlingua esserea un
bravada sensational proque ille es quasi un deo pro
le finlandese.

Professor von Bonsdorff era brutalmente arrestate per
le policia ("militia") russe e interrogate durante 4
horas accusate pro spionage. Comic era que professor
von Bonsdorff era e ancora es un eminente figura in le
international movimento pro pace e le presidente del
Association Finlandia - le Union Sovietic ... Ille
habeva un occasion de experir le amicitatia inter le
populos finlandese e sovietic in practica ...

Usque 1990-1 marechal Mannerheim era appellate in
Russia un "bandito blanc" e "macellero e 'running dog'
de capitalismo del west e lor lacais, le banditos
blanc finlandese". Hodie ille es cognite in Russia
como un "grande general russe".

He-he, io senti un certe nostalgia de iste era.

Salutante

Allan, Homo Sovieticus